//Skástrikið//

Hundfúll

2009-05-17T21:35:00.003Z

Ok, skap: HUNDFÚLT

ástæðan: Síðustu 27 ár eða svo af lífi mínu.

Ég er 27 ára, karlmaður, ekkert alltof illa útlítandi að manni er sagt ( aðallega útstæða Leno hakan og vömbin ásamt aukakílóunum. Enginn voða looker en ekki beint skrímsli.

Ég er félagskvíðinn eða félagsfælinn og búin að þróa með mér einhverskonar avoidant persónuleikaröskun þar sem að ég forðast annað fólk því að það veldur mér bara vanlíðan að eiga samskipti við það.

Við þetta myndu sumir segja ó vá farðu þá til geðlæknis eða sálfræðings eða eitthvað. Sem væri auðvitað rökrétt nema hvaða að lyfin sem er verið að nota eru rusl og virka bara 20% en lyfleysa.

Og loks þegar ég fæ lyf sem eiga við þennan KVÍÐA sjukdóm þá fer ég að verða reiður, aðallega reiður af því að hafa síðan um 20 ára aldur verið settur í geymslu á einhverjum lyfjum sem gera ekkert nema að hindra að ég verði ennþá þunglyndari af því að líf mitt er ekkert líf.

Ég hef ekkert lifað, ég er 27 ára, aldrei átt kærustu, aldrei gert neitt heimsksulegt eða skemmtilegt, aldrei búið að heiman aleinn nema að leigja með öðrum, bý ennþá hjá mömmu og pabba og sé ekki fram á að vera neitt að fara þaðan. Búinn að vera guð hvað lengi 7-8 ár að klára eina skitna B.A. gráðu vegna þessa að ég þori ekki að mæta í tíma eða skila verkefnum af ótta við álit kennarana. Og skólakerfisbúrókratían er svo annað mál. Geðsjúkir passa ekki inn í ferningslaga opin sem þar eru. Það er ekki ætlast til þess að fólk með vandamál sé í háskóla og ekkert gert þeim til aðstoðar eða tillitssemi. Ömurlegu andskotar, hef ekkert nema neikvæða reynslu og þvílíkt fordómafulla af þeim.

Hér er ég einn dag í maí mánuði, 7 árum eftir að ég uppgötvaði að félagsfælni væri til, og sagt af læknum að þetta væri vel meðhöndlanlegt og að lyf væru til við þessu, og að ég væri ekki í eins slæmu ástandi og aðrir, Í NÁKVÆMLEGA FOKKINGS STÖÐU ef ekki VERRI.

Ótrúlegt hvað þessi þunglyndislyf hafa drepið niður alla tilfinningar um þetta, gerðu ekkert fyrir kvíðann en fokk, ég var ekkert smá sáttur við greininlega að liggja allan daginn og hugsa um það að ég væri að veslast upp og að það væri ekki gott.

Núna finn ég tilfinningarnar sem áttu að fylgja þessum hugsunum. Tilfinningar sem eru að gera mig svo reiðann og pirraðann og skilja mig eftir með einhverskonar tilfinningu um að hafa verið svikinn og að að mér hafi verið logið og rétt að mér pilluglas, lítill bæklingur og sagt að gera þetta og að allt yrði í lagi og ég sendur heim.

Hvað varð um persónulega þjónustu og eftirfylgni við geðsjúklinga? Er það bara fyrir þá sem reyna að kála sér? Þarf maður virkilega að kála sér til þess að fá viðunandi geðþjónustu á Íslandi (NOTA BENE ÉG ER EKKI Á ÞEIM BUXUNUM AÐ KÁLA MÉR, ímyndiði ykkur álit fólks á mér ef að ég gerði það! Ég myndi aldrei þola þá tilhugsun).

En já er geðþjónusta, alvöru 1. klassa og raunveruleg geðþjónusta ætluð fólki sem ekki getur neitt meir. Er það ekki kallað að birgja brunninn svolítið seint eftir barnið féll í hann?

Ég veit ekki hvað ég á að gera, með þessu nýjasta Tafil XR þoli ég að vera meðal fólks ekki mikið samt, og helst ekki ein meðal of margra sem ég þekki ekki.

Ég hata þetta svokallaða líf mitt, ég hef engu lífi lifað samanborið við aðra í kringum mig....

Og ég er að fá svo mikla reiðistilfinningu aftur eftir að hafa hætt á Effexorinu útaf þessum aðstæðum mínum....

Mig langar að gera eitthvað en hvað? Sálfræðingar eru dýrir andskotar, og koma stundum með svo kommon sens ráð sem ég er nú alveg sjálfur sálfræðineminn með á hreinu. Ráð sem eru ekki að duga mér og sumt sem ég get ekki framkvæmt einn og þeir munu ekkert framkvæma með mér sko. Bara leggja til að ég "fái einhvern með þér". HVER ætti það að vera snillingur, þarna ertu að tala við félagskvíðna manneskju sem engann spyr um hjálp EVER, þorir því ekki.

Ég er hættur að finna fyrir þessum "for" kvíða áður en ég fer á staði en er ennþá áfram eins og litlu börnin sem halda í höndina á mömmu sinni. og láta hana tala þegar ég á að vera að tala við fólk.

æi ég hata þetta allt.

Nýtt

2009-01-01T14:06:00.002Z

Nýtt ár, ný tækifæri, ný byrjun, nýtt viðhorf, bara allt nýtt.

Þetta er það sem mér er efst í huga. Gerði dulítið í morgun/nótt sem ég held að ég hafi ekki gert áður, vona að ég verði ekki misskilinn sem einhver stalker ;) Þetta var ósköp lítið og ómerkilegt en samt ekki alveg þegar ég er annars vegar.

Allavega eitthvað nýtt á nýju ári það er víst. En engin niðurstaða fékkst og það er af gamla taginu. Var í bænum til kl. rúmlega 7 í morgun, var allt í lagi djamm svosem. Aðallega margir sem maður þurfti að bjóða nýtt ár.

Það var líka mikið til að horfa á og skoða. En hvernig maður snýr sér í því að byrja að gera eitthvað meira en að skoða er ennþá leyndó fyrir mér greinilega. Var samt að hugsa smá um það hvernig sumt af þessu fólki hittist eða kynnist. Sumt fólk sem maður sér er svo af ólíku tagi og bakgrunni að maður skilur ekki hvernig leiðir þeirra lágu nokkurn tímann saman, hvað þá hvernig fólk byrjaði að tala saman.

Auðvitað er ég pínu spældur eins og venjulega með djömm. Finnst ég ekki vera að kynnast fólki. Þetta er voðalega bara eitthvað; "hæ, blessaður, hvaðsegirðu?" heilsur og ekkert meir. Og málið er að ég hefði ekki farið neitt í gær ef að enginn hefði hringt í mig. Það er nefnilega líka málið að ég er með mjög lítið frumkvæði.

En allavega þetta var bara eins og venjulega nema hvað að maður hafi ekki verið viðbúinn því að ekkert kæmi út úr þessu kvöldi annað. Ég hef aldrei komist inn í það að "skemmta" mér á skemmtistöðum. Náttúrulega akkúrat það sem ég er veikastur fyrir, fullt af fólki sem hefur ekkert annað að gera en tala saman og horfa á hvort annað.

En jæja þetta er ágætt í bili.

einn...

2008-12-27T06:28:00.002Z

Verð ég alltaf einn?

Hef ég nokkurn tímann þótt aðlaðandi? Hefur nokkur kona einhvern tímann þótt ég vera aðlaðandi? Hef ég nokkurn tímann verið kynæsandi? Hefur einhver kona einhvern tímann horft á mig og viljað mig? Jafnvel bara fyrir persónuleika minn? Hvað þá útlit mitt?

Ég hallast undir það að svara þessu öllu með NEI og þá sérstaklega ef við takmörkum þetta við edrú manneskjur.

Akkúrat núna á ég erfitt með að upplifa sjálfan mig sem kynveru.

Kann ekki að bera kennsl á merkin sem eru í þessum "leik". Kann ekki að senda þau, og veit fjandankornið ekkert hvað þau þýða og hvað ég á að gera ef ég sé þau...

26 ára að verða 27 ára.....sá mig ekki kominn aftur heim á hótel mömmu að klára B.A. í Sálfræðinni á þessum aldri...var búinn að plana þetta allt öðruvísi sko...

Mig verkjar við að sjá öll "tækifærin" sem maður klúðrar...

Líður eins og ég sé hálf...hva, þroskaheftur eða eitthvað...eins og að ég hafi misst af einhverju þegar það var kennt...vá...eins og að eitthvað vanti í mig...

Það er ekki viljinn sko...hann er fyrir hendi og það er ekki þekkingin, heldur er það þessi samskipti, þ.e.a.s....ég kann ekki einu sinni að lýsa þeim....mig vantar alveg þetta daður gen held ég. Kann ekkert í því...að daðra er mér bara óeðlislægt...kann ekki reglurnar, línurnar eða neitt sko...

Vá hvað ég er líka ömurlegur, ég á aldrei eftir að þora að biðja um hjálp eða fá hana í þessum málum...

Hata mig og framtíð mína á svona stundum sko...

Hata það að eiga eftir að vera einn, að eiga eftir að vera piparsveinsfrændinn, á aldrei eftir að vera við kvennmann kenndur....hvað þá að eftir að eignast börn...og það er það sem mér þykir langverst....engin börn.....

Hata sjálfan mig...

Mig langar...

2008-10-12T22:34:00.000Z

Mér líður ekkert vel. Er eimanna og leiðist. Langar í margar hluti sem ég get einhvern veginn ekki komið mér til þess að koma þeim í framkvæmd. Dæmi:

Mig langar út að skemmta mér. Bara allir kunningjar mínir fluttir. Enginn eftir hérna í þessu krummaskuði.
Mig langar að kynnast hinu kyninu. Í allri hreinskilni? Ég hef aldrei verið í sambandi. Aldrei átt kærustu. Aldrei þorað þess háttar samskiptum við stelpur. Yfirleitt alltaf of fullur til að þola við á skemmtistöðum lengur en kortér.
Mig langar að stunda áhugamál af alvöru. Ég þori ekki í nein félög, þarf að spyrja spurninga og þá lít ég heimskulega út. Eða það segir kvíðinn mér.
Mig langar til þess að gera eitthvað klikkað og heimskulegt og ekki að hafa áhyggjur af því hvað öðrum finnst.

Ég hata að ráða ekki við kvíðann...

Sambönd

2008-09-17T12:22:00.001Z

Er í matsalnum núna í skólanum og ég kemst ekki hjá því að sjá öll samböndin á milli fólks. Ég er náttúrulega sit einn við borð eins og fyrri daginn en bara að sitja innan um mikið af fólki er víst æfing er mér sagt. En já það sem ég er að sjá eru hin ýmsu félagslegu tengsl sem eru í gangi hérna, vinir, félagar, kunningjar, kærustupör, rekkjunautar og bekkjafélagar. Þetta er allt hér á ferðinni. Minnir mig alltaf á það að ég er einn, langt síðan ég missti af öllu fólkinu sem ég átti að útskrifast með upphaflega og allir sem voru með mér í bekk í fyrra eru útskrifaðir, bara ég einn og yfirgefinn.

Heh, sé að ein stelpa sem situr ein er að horfa á Family Guy... Það sem ég er að meina í raun er það að ég myndi alveg vilja sitja við hliðina á henni og hlæja með henni, eða bara að sitja við hliðina á einhverjum að tala um eitthvað. Að vísu fer kvíðinn alltaf upp en fjandinn hafi það mér líður illa núna þegar ég er einn og með lítinn kvíða...

Ég er farinn að hætta að þola þessa einangrun sérstaklega eftir að allir fluttu suður og þeir sem urðu eftir eru vinnandi og komnir með fjölskyldur sem sitja fyrir.

Það mesta sem ég geri félagslega er að fara í bíó með bróður mínum af og til...og hann er að fara suður bráðum. Ég er farinn að kvíða fyrir framtíðinni æ meira og þeirri einangrun sem er yfirvofandi hjá mér.

Flest fólk kynnist vinum í gegnum æskuvini og makar þeirra koma úr einum af þessum vinahópum. Þetta er dálítið kalt mat en ég er farinn að sjá fram á það að ég hafi bara engann aðgang að neinum lengur. Var ekki nægilega duglegur við að rækta samböndin og taka þátt í því sem fólk gerði.

Heh, var alltaf svo kvíðinn yfir að þurfa að gera eitthvað sem myndi sína þeim hinn raunverulega mig, eitthvað sem myndi láta mig þurfa að gera eitthvað sem gæti breytt áliti þeirra á mér og þannig fælt alla vini mína í burtu. Þvílík kaldhæðni að það gerðist vegna þess að ég var að reyna að fyrirbyggja það...

Stundum

2008-08-12T00:41:00.003Z

Stundum finnst mér allt vera í lagi. Stundum hugsa ég ekkert um kvíða eða þunglyndi. Stundum er ég bara of upptekinn til þess.

Eins og í vinnunni undanfarið, vinna og svo sofa. allt sem ég geri, þarf ekkert að hugsa. En það er á svona kvöldum sem ég átta mig á því að ég er ekkert búinn að sigrast á kvíðanum og að þunglyndið sé skammt undan. Það er þegar ég er aleinn með hugsunum mínum sem ég átta mig á því að ég er ekkert nema eins og vinnumaur á leiðinni í gegnum lífið. Engin lífsgæði sem kalla getur á andlega mátann þ.e.a.s. Félagslíf í lágmarki, samkipti við vini og kunningja í lágmarki ef nokkur og annað... t.d. áhugamál eru bara, rannsóknir. Ég rannsaka áhugamál í stað þess að stunda þau.

S.s ég hata líf mitt nokkurn veginn. Ég geri ekkert nema að anda og lifi á líkamlegan hátt, andlegt líf er ekki til staðar. Upplifi mig vera að sóa tímanum í ekkert. Líður illa yfir því að vera ekki að eða að kynnast fólki, svo rifja ég upp afhverju ég er ekki að gera þessa hluti, kvíðinn kemur bara við að hugsa um hvað ég þarf að gera til að kynnast fólki.

Heh, kynnast fólki. Langar í svo miklu miklu meira en það. Langar að kynnast vinum, langar að kynnast konum, langar í kærustu, langar í börn, langar að tala við fólk án þess að vera pæla í því hvernig það er að meta það sem ég segi og líka án þess að vera pæla í því hvort ég sé að valda því vonbrigðum.

Hata þetta "líf" vil breyta því, er að reynda það en...erfitt þegar maður kvíðir fyrir öllu.

Er ennþá á Effexor og er alvarlega að pæla í því að biðja geðlækninn um eitthvað annað eða að auka skammtinn talsvert. Og þá meina ég talsvert, því að öll mín afskipti af þessum SSRI og SNRI lyfjum er ekkert nema vonbrigði. Þetta eru nánast vonlaus lyf hvað varðar Félagskvíða (félagsfælni) og virka ekkert sérstaklega vel hvað þunglyndi varðar.

Vil annaðhvort bara vera á Paxal (Xanax, alprazolam) eða Klonopin (rivotril) sem eru benzó-lyf og virka hjá mér allavega eitthvað. Eða að sem að mig grunar því miður að annaðhvort sé ég að sjá í hillingum eða að verði aldrei möguleiki hér á landi, MAOI lyf.

Nardil og Parnate eru alltaf ekkert nema jákvætt skoruð á rannsóknum og almennt hef ég bara heyrt jákvætt af notendum þessara lyfja. Þ.e.a.s. að þau eru að skila verulegum og merkjanlegum árangri. Ólíkt því að ég "haldi" að Effexorið "gæti" verið að virka.

Nardil og Parnate eru því miður háð takmörkunum á mataræði sökum blóðþrýstings aukaverkana. Langar samt að spyrja lækninn um þetta. Vil alls ekki Aurorix krappið sem er almennt í boði hér að mér sýnist á lyfjaskrá. Búinn að lesa nægilegar rannsóknarniðurstöður til að sjá að það er bara plainly ekki að virka.

En já þunglyndis væl búið að breytast í lyfjafyrirlestur!

Djúpa Laugin

2008-07-05T05:23:00.002Z

Var að velta fyrir mér ýmislegu, sumt er hæft fyrir blogg annað ekki. Eitt atriði er hvað ég ætla að gera á næstu árum, markmið? Þarf fyrst að átta mig á því hvað ég vil...sem er ekki neitt ákveðið nema að mig langar í virkara félagslíf....asnalegt markmið? Mögulega. En mér finnst ég vera nokkrum árum á eftir öllum. Þetta er svo asnaleg tilfinning að líta í kringum sig og sjá allt þetta fólk sem maður var með í skóla eða jafnaldrar manns og sjá fólk komið með börn, fjölskyldur og hjón sum þeirra. Jafnvel fólk sem er búið að skilja.

Ég? Fluttur aftur á Hótel Mömmu á meðan ég klára B.A. ekki alveg þar sem ég ætlaði að vera um hálfþrítugt.

En já djúpa laugin. Munið eftir þeim þáttum? "Dating" þættirnir sem ég hataði vegna þess hve væmnir og tilgerðarlegir þeir virtust?

Vildi að ég gæti séð þá núna. Þarf tips, kann ekkert í þessu. Og mér finnst ég vera svo eitthvað seinþroska eða vanþroska í þessu. Hef verið að lenda í því að þurfa að tala við stelpur eða bara gert það en finnst ég aldrei hafa neitt að segja og kann ekki eða get ekki viðhaldið samtalinu og fer þá út í fíflaskap með asnalega og barnalega stæla. Það er einhverskonar varnarháttur hjá mér. Leið til þess að breyta samtali eða aðstæðum úr mögulega einhverju "alvarlegu" (einhverju sem mun breyta áliti manneskjunnar á mér) og hliðra kvíðanum til...

Ég skil veikleika minn, ég veit hvernig á að taka á honum, ég get séð fram á bata, ég átta mig á kostum þess að ná mér. En ég get ekki framkvæmt hlutina þ.e.a.s. ég vil það og get það en geri það samt ekki.

Aðgerðarleysið er önnur hliðrun til þess að spara mér andlegan sársauka, heilinn passar upp á sína og minn er víraður þannig að hann lítur á þennan verk eða kvíða semógn.

Þessi merki öllsömul

2008-07-01T19:08:00.002Z

Var um helgina á 10. Bekkjar reunion sem var nokkuð skemmtilegt og breyttist í bara nokkuð skemmtilegan Sjallaferð og það finnst mér til utantekninga að Sjallaferðir séu skemmtilegar. Vil þakka bara öllum sem ég hitti þetta kvöld fyrir dágóða skemmtun.

Ok plús helgarinnar búinn þá er það tuðið.

Allt þetta stúss með konur og karla og þennan "leik" sem fólk virðist standa í þegar það er að nálgast hvort annað í tilganginum sem lífið er sagt snúast um. Þ.e.a.s. fjölgun mannkynsins.

Sem félagsfælinn einstaklingur er þetta sem mér hefur aldrei fundist vera skiljanlegt eða að ég hafi nokkurn tímann getað lært. Það virðist fyrir mér sem að ég hafi misst af námskeiðinu "Stefnumót 101" eða álíka. Mér er sagt að ég hafi mögulega fengið vægt hint frá stúlku um helgina. Ég fattaði það ekki fyrr en á mándeginum......og verð að viðurkenna að það þykir mér mjög mjög MIÐUR. Ekki bara fyrir hvert þetta hefði getað leitt heldur að virðast vera blindur á þetta eða a.m.k mjög hægur að skilja það.

Hvernig á maður að bera sig að við að kynnast fólki almennt þegar maður virðist ófær um að þekkja eða meta einhver óskiljanlegar vísbendingar sem allir aðrir virðast hafa fengið skilning
á í vöggugjöf?!?!?!

Þess ber að geta að það var ekki feimnin í þetta skipti, áfengið stútaði henni. Þetta var reynsluleysi og einhver blinda sem ég veit ekki hvernig í andsk. ég á að bera mig að við að yfirvinna.

Það er ekki eins og ég sé að fá sénsa til þess að æfa mig. Og ég HATA þegar fólk segir mér að þetta sé einfalt, að ég bara segi: "Hæ hvað segir þú" eða eitthvað á þá leið. Þ.e.a.s þegar mér er bara sagt byrjunin og ekki hvernig ég á að vita hvernig mér gengur. Það er málið, ég veit ekki bara hvernig ég á að byrja, heldur líka hvernig ég á að halda áfram og hvernig ég met árangurinn.

Er kannski að ofgreina þetta allt saman en kommon ég er 26 ára aldrei verið í sambandi og algjörlega grænn greinilega á samskipti karla og kvenna...vantar að komast í hóp þar sem fólk kynnist eða eitthvað. Vantar að fara oftar út á lífið, vantar kunningjanet sem dregur mig í partý eða eitthvað. Allir jafnaldrar mínir og þar með Langflestir vinir orðnir foreldrar og í samböndum eða hjónaböndum eða fluttir til RVK. Ekki illa meint samt þið öll :-)

Æi ég er að verða niðurdregin á að skrifa þetta. Bara kvartanir, hver vill lesa blogg með engu nema kvörtunum?

Vinna/sofa

2008-06-07T21:40:00.002Z

Virðist sem að það verði þemað þetta sumarið. Ég er búinn að fá forsmekkinn af því hvernig þetta verður og jafnvel helgarnar verða á kafi í allskonar vinnu ólaunaðri og greiðasemi og þessháttar.

Er núna fluttur úr Tröllagilinu og samleigu míns og Bjarka lokið því hann karlinn er kominn á ríkisspenann á Ísafirði. ;) Þar sem hann mun víst sjá um að úrskurða um landvistaleyfi eða þessháttar fyrir Útlendingastofnun og Dómsmálaráðuneytið.

Ég ætla á meðan að klára B.A. og gista á Hótel Mömmu um tíma þar til annað verður ákveðið. (þ.e.a.s. þangað til ég fatta hvað ég ætla að gera af mér).

En meira er víst ekki í fréttum að sinni. Bara same old boring me.

ok prófaði nýtt....

2008-05-15T05:53:00.002Z

Já ég prófaði heldur betur dulítið nýtt dæmi í gær og það er ástæðan fyrir því að ég ligg andvaka, það og hitinn sem ég er með.

Ég fór nebbla í ristilspeglun. Ég ætla ekki að vera með neinar lýsingar en þetta var skrýtin upplifun að horfa á skjá (vel dópaður btw) og sjá sinn innri....mann? En já þetta skilaði nokkrum niðurstöðum bólginn ristill og sprungur sem blæðir úr í honum. Er að fara á eftir til Hugrúnar blóðsugu í blóðrannsókn. Komast að því af hverju þessi bólga stafar. Það verður gaman að komast að því.

En já annars er lítið annað að frétta, er ennþá kvíðinn. En þetta var furðulega auðvelt í dag og mér fannst starfsfólkið þarna vera helvíti skemmtilegt. Leið bara frekar vel þarna miðað við hvað átti sér stað.

En eftir að þetta var búið, úff þá byrjar brasið fyrst, sjáiði nebbla til, maður er fylltur upp með lofti til að allt sé opið. Þetta loft er pain og að losna við það, well maður setur nokkur tímamet...

Úrræði

2008-05-11T13:16:00.003Z

Það kemur mér alltaf á óvart hversu vanþróað þetta land okkar er varðandi geðsjúkdóma. Sér í lagi þau úrræði sem eru í boði. Þau eru fá, erfitt að komast að og langt á milli þeirra. Er t.d. með eitt úrræði í huga sem ég var að heyra af nema hvað að sjúklingarnir komast ekki að fyrr en í haust. Þ.e.a.s. þetta dæmi er ekki í gangi yfir sumarið. Hvað á fólk sem er í vandamálum akkúrat núna að gera? Slökkva á vandanum þangað til í sumar?

Þetta fer dálítið í pirrurnar á mér vegna þess sem ég hef upplifað varðandi mitt vandamál og það sem ég hef verið að gera í því. Hef verið á hópnámskeiði núna undanfarið vegna félagskvíðans/fælninnar og það var ágætt, lærði margt á því. Hefði samt viljað hafa það mun meira "intensive" þ.e.a.s. að þetta hefði verið oftar í viku. Hef séð það undanfarið að ég er alveg hjálparlaus eða getulaus að einhverju leyti að koma mér af stað í að nota þetta sem ég hef lært núna nýlega. Þetta er ekki viljaleysi eða hvatningarleysi, ég vil bæta stöðu mína og hvatningin er betri lífsgæði en....

....ég finn ekki til neins ýta mér út í þetta. Ég get ekki komið mér af stað, þetta er eins og orkuleysi. Eins og að ég bara sé dauðþreyttur og að þetta verði ekki til neins. Það þyrfti að draga mig af stað eða e-a þess háttar til þess að ég myndi byrja hvað þá halda mér við efnið.

Ok, hvernig lýsir þetta sér? Ég sit heima eða ligg stóran part dagsins. Les kannski eitthvað skólatengt, er á netinu. Þetta er dagurinn minn ef ég ÞARF ekki nauðsynlega að fara eitthvað s.s. vinnu, skóla o.s.frv. Ég fer ekkert um helgar, ekkert á kvöldin og heimsóknir til fólks er e-a sem ég geri ekki.

Ég hata þetta ástand. Ég vil ekki vera svona. Ég vil breyta þessu en...það er ótrúlegt hvað maður er máttvana gegn sínum eigin huga...

Ég er á því stigi núna að ég er að reyna að reyna. Þ.e.a.s. að ég er að reyna að koma mér af stað til þess að reyna að nota það sem ég hef lært og ég virðist ekki ætla að geta það. Mig skortir frumkvæði algjörlega.

Skortir mig sjálfsaga eða er þetta bara þunglyndið sem ég er búinn að eiga von á lengi og hef eflaust verið í í talsverðan tíma?

En já úrræðaleysið er fáránlegt. Og það sem verra er er að það er ætlast til þess að fólk sem er einmitt hrætt og kvíðið fyrir því að biðja um eða bera sig eftir hlutunum þurfi að berja á dyrnar hjá þeim stofnunum sem ætlað er að hjálpa þeim. Komst í þennan námskeiðshóp fyrir einskæra tilviljun, en þessi hópur er bara ætlaður til þess að kenna manni ákveðnar leiðir til þess að ráða við þessar kvíðavaldandi aðstæður. Honum er ekki ætlað að lækna mann. Og það á að vera undir manni sjálfum komið að halda því áfram sem maður var að læra þarna.

En svo þegar kemur að því þá féll ég í sama gamla farið þ.e.a.s. ef ég komst einhvern tímann upp úr því. Það var ekki partur af þessu námskeiði. Þannig að ég veit ekki hversu mikið það gagnaðist mér akkúrat núna.

Ok. Til að skýra þetta almennilega út þá ætla ég að setja niður vandamálið mitt. Þ.e.a.s. eins og ég er að sjá það núna þegar ég er búinn að skrifa allt þetta hér fyrir ofan.

Ég er fastur í ástandi þar sem að ég er of kvíðinn við að fara út eða gera e-a einn og af mínu frumkvæði. Ég er líka of kvíðinn og skammast mín svo fyrir að biðja einhvern að fara að draga mig með sér hvert sem hann fer, þó svo að það sé raunverulega það sem ég þyrfti, manneskju eða þjálfara sem myndi fara með mig og gera hluti. Þetta er frekar niðurlægjandi fyrir mig að viðurkenna vegna þess að mér finnst ég vera minni maður og e-h vanþroskaður að þurfa einhvern til þess að halda í höndina á mér hvert sem ég fer.

En þetta er það sem ég þarf í sjálfu sér. Einhvern til þess að sparka í rassinn á mér.

Er búinn að vera að gæla við hugmyndina að koma á fót stuðningshóp fyrir Félagskvíða á Akureyri. Veit samt ekkert hvernig ég myndi gera það, vantar stað til að hittast á, plús það að ég veit ekki hversu margir myndu mæta og ég er ekki með á hreinu hvað nákvæmlega hægt væri að gera í þessum hóp annað en að spjalla....heh félagskvíðnir að spjalla. Það er dálítið spes...

Æi ég veit ekki.

Allt í hers höndum

2008-05-08T22:02:00.002Z

Franskir tindátar fara hér með hávaða og látum og æra íslenskar meyjar, ,,ástandið" er komið aftur! Olía rándýr og ég veit ekki hvað....

Þetta hefði getað verið úr öldinni okkar um 1946-55. Hef ekkert verið að blogga undanfarið, mikið um að vera og hef bara ekki fundið fyrir neinni þörf. En maður verður að halda þessu við, áttaði mig ekki á hvað tíminn líður hratt.

Meira verður þetta ekki, er með hausverk og örlítið dasaður.

19. mars 2008 kl. 19:28

2008-03-19T23:39:00.002Z

Hulda amma mín dó í kvöld. Hún var 9 daga frá 82. afmælisdegi sínum. Hún dó á Lyfjadeild I á Fjórðungssjúkrahúsinu á Akureyri, stofu 11.

Ég hélt í höndina á henni þegar hún hætti að anda. Mamma og bróðir hennar og Jóhann Ari bróðir minn voru einnig þarna þegar hún fór. Hún fór á hljóðlátum og friðsælum nótum, sofandi. Eins og hún hafði vonast eftir. Ég vil þakka starfsfólki FSA fyrir yndislega umhyggju og meðhöndlun á meðan stuttri dvöl hennar ömmu stóð.

Blessuð sé minning hennar.

Gærdagurinn

2008-03-19T11:50:00.002Z

Jammz...Gærdagurinn hehe.

Þessi dagur byrjaði tiltölulega eðlilega og þá á því að fara í vinnu. Þar var ég til 12:30 og dreif mig í skólann þar sem að ég hlustaði á nokkra fyrirlestra og tók einnig nokkur próf.

Haraldur Skjóldal nokkur hafði beðið mig um að redda sér og keyra sig til Varmóhlíðar þar sem að kallinn átti Pajero bifreið sem vildi alltaf sjóða vatn. Við Nesinn keyrðum þangað og þótti tilvalið að snæða þar seinbúinn hádegisverð. Fórum við í það að rífa vatnslásinn úr þessari jeppabifreið hans og tókst það loks með tilheyrandi skrámum og bölvunum um asnalega hönnun bifreiða.

Allavega við lögðum af stað og við fyrsta suðupunkt þar sem við stoppuðum varð mér litið á eldsneytismælinn í Eðal Hálúxinum mínum og áttaði mig á því að ég var að verða eldsneytislaus....henti hönskunum mínum til Halla svo hann brenndi sig ekki. Og sagði "næ þér á eftir"

Ég dreif mig því aftur til Varmó og ætlaði að vera eldsnöggur að taka eldsneyti...
Annað kom á daginn þar sem að þegar ég kom að dælunni þá áttaði ég mig á því að ég mundi ekki PIN númer kortsins sem ég hafði meðferðis og var það sökum þess að til að spara hverja einustu krónu hefur maður reitt sig á þartilgerða benzínlykla.....

Ég hugsaði með mér að ég hefði seðla en viti menn, helv. sjálfsalinn var ekki með rauf fyrir kalt reiðufé.....FOKK %$%$#%#"&!!! HELV. ÚTNÁRI ER ÞETTA ORÐINN (afsakaðu Anna Lilja mín ;-) )

En allavega þá mundi ég eftir að skammt frá er Sauðárkrókur og þar er eðal N1 stöð...jamms ég keyrði á Sauðárkrók eftir Díeselolíu......

Á meðan hafði Halli keyrt og keyrt og keyrt, og um 45 mín eftir að hafa orðið viðskila þá var hann kominn í bæinn og hafði einungis stoppað í 3 skipti sökum hitavandamála. Hringdi hann í mig og sagðist vera í Borgarsíðunni og var eitthvað að fikta við lokið á vatnskassanum, heyrði ég allt í einu læti og vesen og hátt "ÁÁÁáIIII!!!"

Þá skvettist heitt vatn á hann og spurði ég hann strax...."brenndistu?" og fékk "neibb" á móti......hjúkk...

OK 45 mín seinna....
Ég kom í Borgarsíðu 10 og viti menn....Halli hafði brennt sig....jamm muniði eftir hönskunum? Gleymdi þeim....

Allavega kældum brunastaðinn og fórum og fengum okkur pezzuu...

Ok 3 tímum seinna þá var bruninn hans Halla ekkert að skána. Ákváðum þá að fara með drengstaulann á Slysó og láta líta á þetta. Þar var búið um þetta og drengurinn fékk verkjalyf og sagt að láta þetta í friði í 2 daga....sem verður kvöl og pína fyrir drenginn með 1-2 stigs bruna á hendinni...

Allavega þetta var minn dagur....

Hvað skal segja, hvað skal.....

2008-03-16T02:16:00.002Z

Jamm, best að blogga á meðan beðið er eftir að fyrsta formúlukeppni tímabilsins hefst.

Það sem er af mér að frétta er það að ég var að vinna slatta í þessari viku, verð líka að vinna í Ískraft í sumar. Við Bjarki erum brátt að fara að binda endi á Tröllagils vist okkar þ.e.a.s. í maí. Veit ekki hvað ég geri þar sem að ég þarf að vera allavega eina önn í viðbót í HA til þess að klára þetta dæmi. Gaman verður þá skal ég segja ykkur.

Hef lítið hugsað til framtíðarinnar varðandi framhaldsnám eða atvinnu. Er bara orðinn sick and tired af pælingum um sálfræði.

Ætla enda þetta áður en ég byrja bara að nöldra :)

Hvar eru stelpurnar?

2008-03-10T23:04:00.002Z

Já ég er að nöldra. Og já það er um kvennmenn en þó aðallega um skortinn á þeim eða þ.e.a.s skynjaðan skort minn á þeim.
Ég í alvöru veit ekki hvort að ég vilji nokkuð blogga um þetta vegna þess að allir sem lesa um þetta hugsa bara um að ég sé að nöldra, konur sem lesa þetta hugsa bara að ég sé needy og fráhrindandi. Það verður gert grín að mér eða eitthvað.

Þetta var félagskvíða neikvæð hugsun. Ég fæ þetta alltaf, og um allt ekki bara þegar ég er að fara tala um eitthvað svona. Líka þegar ég ætla að panta pizzu. Fara í búð, hringja símtal, tala við fólk. Jafnvel vini mínir vekja upp þennan kvíða. Ég get varla verið ég sjálfur af ótta við að fæla ykkur frá mér. Mér líður ekki vel meðal fólks en ég vil samt vera meðal þess. Stundum er ég svo hræddur að ég skálda afsakanir, svara ekki í símann o.s.frv.

En allavega þá er þetta blogg samt aðallega um konur. Þessar yndislegur fallegu verur sem geta gert karlmenn brjálaða og hrifna í sömu andrá. Þessar yndislegu lífsgefandi persónur sem gefa ástæðu fyrir lífinu og um leið gefa líf.

Mín spurning er einfaldlega....HVAR ERU ALLAR SINGLE KONURNAR!

Ég er ekki hugrakkur hvað varðar að nálgast konur málsgrein nr.2 skýrði það út. En hvernig á ég að reyna þegar allar konur á þeim aldri að ég líti ekki út eins og barnaperri virðast vera í sambandi, fráteknar, óléttar, samkynhneigðar, látnar o.s.frv. Þó aðallega í samböndum. Ég var nýlega í brúðkaupi og áttaði mig á því að næstum allir mínir vinir eru búnir að finna sér einhvern til að taka þátt í lífinu með. Þetta sló mig dálítið. Sérstaklega börnin, þessi yndislegu boltar sem gefa lífinu lit. Ég var tilbúinn í þetta líf fyrir löngu, ég virðist bara ekki hafa kunnáttuna, kjarkinn né tækifærin lengur til þess að lagfæra þessa stöðu. Eða mér finnst það ekki.

Hvernig kynntust þið kærustu/kærasta ykkar? Ég þarf pointera, fjandinn hafi það.....ég þarf hjálp. Og núna er ég tilbúinn til þess að þiggja hana, held ég.

Æi, ég vona að það rigni ekki inn boðum um blind date....ég kann ekkert munið það, ég þarf baby steps sko....Ég hef takmarkaða reynslu af kvenfólki og ef við teljum áfengi úr myndinni þá minnkar sú reynsla dálítið. Engin reynsla af langtíma samböndum.

oh ég vona að enginn lesi þessa síðu lengur...kvíði fyrir því að einhver svari, pælið í því?

Ég kvíði langmest fyrir því að einhver myndi koma og segja "Ég skal redda þér, gerðu bara X og Y og svo Z og ég skal hjálpa þér með hvert skref" Hversu brenglaður getur maður verið?

ALIVE!!!!

2008-03-08T12:10:00.003Z

Já.... ég lifi.

Þetta blogg hefur verið vanrækt nógu lengi. Nú ætla ég að fara að tjá mig og eitthvað, ha?

Allavega enn í skóla, B.A. og eitthvað og er að fara úr Tröllagilinu í Maí. Single, hvítur karlmaður (síðast þegar ég athugaði) og væntanlega í leit að þeirri einu réttu.

Bætti við fítusum, breytti lookinu og er að skoða meira af drasli varðandi blogspot til að bæta við hérna.

En allavega. ÉG ER KOMINN AFTUR!!!!

kosningar

2007-05-08T03:11:00.000Z

Fór og tók enn eitt quizið í þetta skipti varðandi stjórnmálaskoðanir, þetta hjálpar manni bara ekkert, sýnir hvað maður er ruglaður :

Stuðningur við Sjálfstæðisflokk: 18.75%
Stuðningur við Framsóknarflokk: 30%
Stuðningur við Samfylkinguna: 50%
Stuðningur við Vinstri-Græna: 25%
Stuðningur við Frjálslynda flokkinn: 13%
Stuðningur við Íslandshreyfinguna: 30%

Skoðanir þínar eru í mestu samræmi við skoðanir Samfylkingarinnar!

Samfylkingin varð til árið 1999 sem kosningabandalag Alþýðubandalagsins, Alþýðuflokksins og Kvennalistans. Ísland sker sig úr hvað hin Norðurlöndin varðar á þann hátt að hér var enginn stór vinstriflokkur. Óeining á vinstri vængnum hérlendis hefur verið mikil og flokkunum hefur ekki tekist að komast til eins mikilla áhrifa og Framsóknarflokkurinn og Sjálfstæðisflokkurinn. Eftir að samsteypustjórn Sjálfstæðis- og Framsóknarflokksins tók við árið 1995 fór af stað umræða um hvort hægt væri að sameina vinstri vænginn í einn flokk. Búið var að sameina þingflokk Alþýðuflokksins og Þjóðvaka en síðan var það rætt hjá Kvennalista og Alþýðubandalagi og ákváðu þeir einnig að taka þátt í kosningabandalaginu sem hlaut nafnið Samfylkingin árið 1999 með Margréti Frímansdóttur sem talsmann. Síðan var flokkurinn formlega stofnaður árið 2000 og Össur Skarphéðinsson kosinn formaður.

Samfylkingin fékk í sínum fyrstu kosningum 26,8% fylgi og 17 menn kjörna en það var besti árangur sem vinstriflokkur hafði náð hér á landi. Í næstu kosningum náði hún 31% og 20 menn kjörna og í fyrsta skipti frá seinni heimstyrjöld varð það mögulegt að stofna tveggja flokka ríkistjórn án þess að hafa Sjálfstæðisflokkinn með. Samfylkingin tilheyrir að öllum líkindum fjölskyldu jafnaðarmannaflokka.

Endurnýjun

2007-02-09T12:49:00.000Z

Já varð að prófa þetta nýja system hjá blogger, helvíti fínt, djöfull er maður snöggur að þessu sem tók mann ansi lengur í gamla kerfinu, allt klikk and play....ekkert HTML fikt enn sem komið er...

En þetta er allt ennþá í vinnslu, þessi litur gæti þurft að breytast, er bara að leika mér, svona vínrautt er flott en liturinn á textanum kannske örlítið þreytandi...

Gleðileg jól

2006-12-26T03:19:00.000Z

já og allt það, var að skoða smá, ekkert svakalegt en:

Ok annað skipið er KV Harstad og er nýtt norskt varðskip. Hitt skipið er nýtt varðskip Landhelgisgæslunnar.

Dálítið lík?

Hönnuð af sama fyrirtækinu, Rolls-Royce Noregi

já og gleðilegt nýtt ár :)

Herrar mínir og frúr við höfum verið tekin í rassgatið

2006-09-26T17:26:00.000Z

Geiri Harði segir að varnarsamningurinn sé við lýði, og að BNA muni verja okkur með "hreyfanlegum herstyrk" sem sé leyndarmál (þvílíkt leyndó sko) og allur her BNA standi þar að baki. Þetta er bara alveg rosalega svipað og Rapid Reaction conceptið <- (ég dýrka þetta concept, Ísland í þetta!!!!) sem bæði Evrópusambandið og BNA byrjuðu að þróa um 1999, Ég meina BNA landgönguliðið er BÚIÐ að þróa það sem þetta byggir allt saman á: Marine Expeditionary Unit

Smá athugasemd, "Árás á eitt ríki í NATO jafngildir árás á þau öll" Þessi setning hefði átt að nægja gagnvart BNA og TIL HVERS var verið að "semja" um e-a sem er innifalið í samkomulagi sem MUN fleiri ríki eru aðilar að...hvað var raunverulega verið að semja um?

Við Þurfum að borga niðurrif bygginga, "mengun er þekkt" samt var ég að hlusta á sérfræðing náttúrustofnunar tala um óþekkta mengun svæðisins og hættu gagnvart grunnvatninu í útvarpinu um daginn?!?!?!.....s.s. við borgum líka hreinsun svæðisins og rannsóknir á mengun.

Þetta mál lyktar. Geiri fjórðungsnafni minn er búinn að láta taka sig í analinn og fékk ekki NEITT fyrir það, við hefðum betur selt þessa stöð 1990 og eitthvað þegar Kaninn vildi fara og Dabbi kóngur fór til Washington og hitti George II og sagði HERINN ÁFRAM!

ok núna þegar ég er minna reiður yfir þessu klúðri, þá er hér smá álit mitt:

Ég sé enga þörf á herþotum hér, bara að Landhelgisgæzlan geti sinnt sínu starfi (ef Bjössi "rambó" Bjarnason gæti hætt að dæla pening í Ríkislögreglustjóra embættið sem átti að "spara pening" og gert eitthvað annað en að herma eftir pabba sínum leyniþjónustusinna, t.d. HÆTT Í PÓLITÍK) OG að Ísland sem 1. Heims ríki sinni skyldum sínum sem ábyrgt land í þátttöku í friðargæzlu og þróunaraðstoð í heims samfélaginu, og mér er alveg sama þótt við þurfum að halda á byssum í því starfi eða ekki, fer allt saman eftir því HVAÐ við erum að gera.

Ég veit að við gætum hent peningunum sem færi í þetta í vandan í staðinn en hvernig myndum við þá tryggja að þessir fjármunir færu í réttu hlutina en ekki í vasa einhvers stríðsherra í Afríku?

Fúff djöfulli er mér illt í rassgatinu....

Skóli, skotvopn og bílar

2006-09-21T09:27:00.000Z

Bíllinn minn er án hljóðkútar, hávært helvíti þessvegna en 10-15 hestum kraftmeiri, niðurstaða, minni "hljóðkútur" verður settur undir hann og krafturinn helst, maybe.

Skotvopnaleyfi, ég er skráður á skotvopnanámskeið þann 12-14 okt, veiðileyfið hins vegar 7. okt. Þannig að ég má veiða ÁÐUR en ég fær skotvopnaleyfið....bleh

Skóli, ég er að mæta og það snemma og oft....

End of report

Skólinn er byrjaður á ný

2006-08-31T10:58:00.000Z

Árni Johnsen, helvítis mörður sem þetta er og klíkuskapur...

Þannig eru nú mál með vöxtum að hann ÁJ hefur fengið upp endurreisn æru sinnar og það sem það þýðir er í raun það að hann hefur verið að mati handhafa forsetavalds (í þessu tilviki Sjálfstæðisflokksins)

Það getur vel verið að þetta sé fullkomlega eðlileg málsmeðferð og að Óli Gríms hefði ekki andmælt þessari umsókn, en það sem vekur athygli mína er það að þetta var gert í fjarveru hans og að núna er Árni að reyna koma sér aftur í þá stöðu þar sem að hann misnotaði og hreint út sagt STAL frá íslensku þjóðinni, maðurinn er meira að segja búinn að halda því fram að þetta hafi verið mistök að hann fór í fangelsi og að hann hafi ekkert gert rangt!!!!

Sá hræðilegi möguleiki er nú fyrir hendi að hann bjóði sig fram til Alþingis og gangi þar í hóp þeirra alþingismanna sem ég tel enga þörf vera á s.s. geðsjúklingurinn Björn Bjarna, "hvar er ég" Sturla Böðvars, og Valgerður "ég stakk engu undir stól".

Í öðrum fréttum þá er ég byraður aftur á Rivotril (klonopin), sem er kvíðaléttandi lyf, líður örlítið eins og ég sé í smáræðis vímu, ekki mikilli en þetta er líklega líkaminn að venjast þessu aftur.

Og svo er Magni að brillera Rockstar Supernova, held samt ekki að hann vinni, Dilana eða Lukas taka þetta og Magni í þriðja sem ætti að vekja smá athygli á honum erlendis, "Against the Sun" anyone?

Bleh nóg í bili

Hvernig drepa skal tíma...og annað.

2006-06-30T01:00:00.000Z

Hef verið veikur síðustu 2 daga þannig að ég fór að leika mér í photoshop aftur og útbjó þetta tilkynningar plakat sem birtist svo á Steypunni, vona að sem flestir taki mark á þessu.... ;)

dauður? neeeih bara sofandi

2006-06-22T20:29:00.000Z

Síðasti mánuður hefur einkennst af mikilli vinnu og svefni þar á milli, auk ýmissa annarra lífsnauðsynlegra hluta, til að mynda að nærast.

Annars er lítið sem mig langar að tala um annað nema hvað að ég verð að fara að skrifa e-a meir hérna.

Öll nótt úti

2006-05-18T22:51:00.000Z

jahá næstum því mánuður!

nei já júróvision frægð Silvíu Nætur er kæft í fæðingu, hún fór á sviðið í Aþenu og náði markmiði sínu. Hún lagði hart að sér að sýna fram á hina verstu mannlegu eiginleika og gat sýnt fram á það að Grikkir kæra sig ekki um slíkt í júró og einnig virðast austur-evrópubúar ekki kunna að taka smá djóki.

Við erum komin á sama stig og Bretar, þeir líta á "visionið" sem farsa Terry Wogan kallaði þetta einhvern tímann bestu skemmtun sem hægt væri að fá að sjá lönd reyna svo ákaflega að vinna með öllum mögulegum ráðum.

V-Evrópa er búin að fá uppí kok af þessari keppni held ég, látum þetta bara fljóta þarna austur og leyfa þeim að eiga þetta.

En annars þá var þetta ekki besta frammistaða Silvíu að ég held, hún virtist ekki við fulla heislu og annað "boytoyið" hennar var greinilega ekki að meika þetta...

En nóg af þessu kjafæði sem eurovision er núorðið, ja nema ef ræða skal næsta ár sem ég vil meina að verði ár rokksins, við ættum að grafa upp einhverja af þessum íslensku rokkböndum svokölluðum og shippa það þarna út hvert sem fer næsta ár. (vonandi Finnlands ;) )

En allavega, þá tókt mér að brjóta afturdrifið í Hiluxnum, fer að komast í lag samt. Það sökkaði örlítið þar sem að á meðan þá fór allur snjórinn burt í sumarfrí...oh well.

hvað meira? ég bara veit ekki meir, ekki beint sá besti í því að finna umræðuefni, fer alltaf hjá mér þegar ég á að "stjórna ferðinni" í samtali, finnst ég alltaf vera að missa af einhverju augljósu, verð sérstaklega svona þegar kvennfólk er annars vegar... enda verð ég seint kallaður kvennagull ;)

oh jæja best að enda 'etta áður en ég kem með sorgarsögur úr þeim málum

bæjó

Smá sona öppdeit...

2006-04-25T13:16:00.000Z

Hef ekkert verið að skrifa hérna nýlega, ég bara veit ekki alveg af hverju, bara nóg að gera held ég og þess háttar, fór núna um síðustu helgi upp á Vaðlaheiði að prófa aðeins jeppann, þarf að læra á bílinn. Það var bara ágætt, nægur snjór og vel hægt að keyra þarna um og leika sér án mikils erfiðis, samt fann maður hversu lítil og kraftlaus þessi vél er í þessum bíl, þarf eitthvað að líta á það. Maður þarf að geta haldið í við 44" bílanna ;)

En annars er það sem hefur verið hvað mest á dagskrá, skólinn, mikið að gera og prófin nálgast nú eins og óð fluga. Ég verð alveg sáttur þegar þessu verður lokið núna í Maí, þá tekur bara vinnan við og allskonar bara.

when I'm 24...

2006-04-16T14:01:00.000Z

Já þann þrettánda apríl síðastliðinn varð ég ári eldri en daginn áður....eða eitthvað þannig.

Nú þegar ég er 24 ára þá skil ég þetta allt, finnst ég vera fullorðinn loksins...eða kannski ekki.

Allavega þá átti ég afmæli og hana nú....

Foxtrot.Uniform.Charlie.Kilo

2006-03-21T15:09:00.000Z

Ég ætti eiginlega ekki að vera að sóa tíma í að blogga núna, er nokkurnveginn að drukkna í verkefnum, próflestri og að sjálfsögðu ritgerðarundirbúningi.

Ég fatta ekki hvernig hægt er að troða 2 verkefnum, 1 prófi í sama áfanganum á einn skiladag...Svo eru það öll hin fögin sem krefjast athygli.
Riterð í sálfræði, ritgerð í Íslensku, stórt verkefni í Íslensku, misserisverkefni í Aðferðarfræði (og það um skáta í þokkabót, thank you very much satan), ég er núna búinn að sitja í 7 tíma og rassinn á mér er sofnaður og ég stórlega efast um að ég geti staðið í visnaðar lappinar...en nei þetta er ekki svo slæmt, bara virkilegt og staðlað klúður í samskiptum á milli kennara hinna ýmsu áfanga.

Annars er ekkert, og þá meina ég ekkert að frétta, ég hef ekki gert neitt síðan síðustu færslu nema að plana og framkvæma og skila þessu ofantöldu auk annars ósóma sem ég kæri mig ekki um að fá að sjá einkunnina mína fyrir.

Já ég tróð þessu Last.fm dæmi inn þar sem að þið getið séð og hlegið að tónlistarsmekk mínum hverja viku, (ég er með skrítinn tónlistarsmekk, deal with it ;) )

Jú og ég er að fara til Færeyja mánaðrmótin júlí - ágúst á Ólafsvöku, sem sögð er vera æði...eða svo er mér a.m.k. sagt að sagt sé. Farið verður með Nörrænu og erum við 7-8 sem erum að fara, sem færir mig að næsta punkti.

Mig vantar gamlan bíl, sem getur tekið 8 manns í sæti, 7 ef það skott/tengdamömmubox á honum (Halli er vanur). Þetta farartæki má alls ekki kosta mikið, 20-30 þús er eiginlega hámarkið, enda þarf þetta alls ekki að vera einhver eðalvagn, enda verður hann bara að geta lifað af Akureyri-Egilsstaðir-Akureyri og kannski einhvern smá akstur í Færeyjum....

Þannig að ef einhver veit um eitthvað sem hægt væri að nota, má vera í einhverju ólagi, en gangfær helst. Má vera sendlabíll, alltaf hægt að mixa sæti í helvídiðð ;)

berkjubólga, hausverkur og próf o.s.frv.

2006-03-14T15:12:00.000Z

Jamm þetta er það sem ég er mest að pæla í núna þessa stundina, en svo eru líka fréttir , það hefur bæst við í næstu kynslóð MAinga/Síðuskólanema Jamm en annars er bara hausverkurinn sem ég fékk núna í morgun að kála mér, og ég er að versna aftur í sambandi við berkjubólguna sem var ekki bronkítis eftir allt saman, heldur einhverskonar blanda af lungnabólgu og astma, sem því miður tekur einhvern slatta af tíma að ná sér af...

Annars er í raun hellingur að frétta en samt ekki, ég er algjörlega búinn að laga jeppann minn og hann hefur breyst dálítið í útliti, set inn myndir þegar ég get komið honum í almennilegar pósur í snjó....

Talandi um það hvar er allur snjórinn? hvað varð um veturinn?

Svo er það þetta venjulega, KK auglýsir eftir KVK ;)

Ég hef ekki farið út úr húsi að neinu leyti nema í skólann eða vinnuna síðastliðna mánuði, sérstaklega útaf því að á tímabili hefði ég eflaust dáið úr köfnun á reykingarstöðum bæjarinns, og svo er það að ég er bara ekkert að fíla svona staði, maður fer sest niður við borð og hvað? Leitar í mannfjöldanum að kunnulegu andliti.

Þannig er það fyrir mig a.m.k. ég er ekki fyrir dansgólfið, er of sjálfsmeðvitaður til þess að vera hrista spikið utaná mér að einhverju marki.

Það er bara þannig að mér finnst ég alveg að vera detta úr samfélaginu sem heild, hvert sem ég fer, skólann, vinnuna, eða út að "skemmta" mér og í partý (mjög sjaldan samt sem það gerist) Þá hef ég alltaf það á tilfinningunni að ég sé í hópi ókunnugra, sem ég er nátúrulega, nema hvað að þetta er mun sterkari tilfinning á þann hátt að ég kannast ekki einu sinni við fólkið, þekki engann, það er eins og allir hafi farið, fluttst burt eða hreinlega horfið...

Ég er náttúrulega þannig að ég fer ekki að leita eftir athygli, félagsfælnin sér til þess. Ég ber mikla ábyrgð á því að hafa aldrei notfært mér boð sem mér buðust, og kannski líka þau sem mér bjóðast í dag...

Mér finnst ég vera að einangrast frá fólki og mér lýst ekki á þá þróun og hvað hún gæti gert mér...

Djöfull hata ég bronchitis

2006-02-24T10:49:00.000Z

Já ég er búinn að vera með bronchitis í rúman mánuð núna og það sökkar, búinn að fá 2 tegundir af sýklasem bæði áttu að redda þessu, neibb ekkert svoleiðis hjá mér, þetta vill ekki fara, þannig að ég var sendur í röntgen og vesen.

Þetta er hvimleiður sjúkdómur, stundum finnst mér eins og að ég sé að hósta út úr mér lungunum, ég er alltaf með strengi eða verk þvert yfir bringuna og mér finnst alltaf vera einhvers konar þrýstingur á lungunum.

í stuttu máli er þetta búið að vera líf mitt ásamt því að reyna að vinna með þessu og að vera í skólanum líka.

Fannst ég þurfa að uppfæra síðuna allavega einu sinni í mánuði ;)

Örveygður

2006-01-20T15:13:00.000Z

Fór að skjóta upp á skotsvæði um daginn með öllum krökkunum, steyptum og þ.h. og komst þar af því að ég er það sem hægt væri að kalla örveygður, þ.e.a.s. ég er með ráðandi sjón á vinstra auga og eftir að það komst upp þá bættist hittnin örlítið, þetta var svolítið skrýtið að skjóta af vinstri öxl en þetta er eitthvað sem maður þarf bara að venjast.

Næst þarf maður að fara að sækja um skotvopna- og veiðileyfi, sem þýðir að maður þarf að finna 2 manneskjur sem eru nógu vitlausar að skifa undir það að ég sé hæfur til þess að eiga slíkann grip.

Aftur til upprunans...

2006-01-18T12:21:00.000Z

Smá svona varúð, ég ætla að fara að hverfa aðeins aftur til uppruna þessa bloggs, þetta átt upphaflega að vera leið fyrir mig til þess að hjálpa mér með félagsfælninna, þ.e.a.s að segja hluti hér sem að ég myndi annars láta kyrrt liggja eða ekki þora að tjá mig um, ég er klaufi að tjá mig við fólk, ég byrja að röfla um hluti sem enginn hefur áhuga á, hver kannast ekki við að hafa setið með mér í bíl eða e-a og ég byrja "vissuð þið það....(setjið inn useless info hér)"

Ég geri þetta þegar ég er nervous og finnst það vera mín ábyrgð að reyna viðhalda samræðum gangandi. Þið verðið að átta ykkur á því að mér finnst ég alltaf bera ábyrgð á svona hlutum... og refsa sjálfum mér alltaf í samræmi þegar ég reyni að sofna á nóttunni, þegar allur dagurinn, mánuðurinn jafnvel árin sem ég tel hafa verið að gera mig að fífli renna framhjá mér...

Veit ekki hvernig ég á að útskýra þetta betur...

Kannski væri best að setja þetta í smá samanburð, það eru alltaf þessi listar þar sem að fólk er með sínar helstu þrár...fariði á þessr venjulegu gelgju bloggsíður eða whatever síður sem þettar alltaf sett upp

Ekki misskilja mig það er ekkert að þessum listum, það er bara það að þegar ég hugsa um hvernig minn yrði... hann myndi samanstanda af hlutum sem öllum finnst svo sjálfsagt að hafa...

Ég vil...

...tilheyra vinahóp (held að ég geri það samt stundum ekki viss...)
...vera aktívur þátttakandi í slíkum vinahóp (ástæðan fyrir fyrrgreindum vafa)
...Kynnast kvennfólki (of flókið til þess að útskýra, tengist samt ekki bara kynlífi sko...margt annað þarna innifalið)

Langar svo að útskýra afhverju ég get ekki gert þessa hluti en get ekki vekur alltaf upp "væist geturðu það!" svarið sem er í sjálfu sér rétt og rangt... ég myndi verða á barmi taugaáfalls ef mér væri ýtt útí þetta á eftir og myndi líklega aldrei reyna þetta aftur sko...
En kaldhæðnin er sú að ég geri aldrei neitt nema að mér sé ýtt út í það...nema að ég hafi einhvern með mér, einhvern sem mér finnst passa upp á mig jafnvel þó að sá aðili sé bara þarna til staðar og geri ekkert meira en það sama og ég, fattiði?

bleh ég hef skrifað of mikið...

Skrýtinn draumur maður...

2006-01-18T12:16:00.000Z

Ok dreymdi alveg fáránlegan draum núna í nótt, reyndar tvo, fyrri var þannig að ég vaknaði alveg á kafi í sæng nakinn og ekki endilega heima hjá mér, nema hvað að þegar ég stóð upp eftir að hafa beðið í smá stund þá ætla ég á klósettið, en nei þá sé ég að ég er með notaðan smokk á typpinu og bjóst þá við að það hljóti að vera kvennmaður þarna nálægt þannig að ég gerði hið karlmannlega, fór inn á klósett og læsti að mér, svo fór ég aftur inn í rúm og sofnaði....? Svo vaknaði ég aftur og þá var bara full scale party í gangi frammi og ég settist í sófann og þá sat Halli eða baddi eða einhver við eldhúsborðið og benti á einhverja ljósku og sagði "þú gerðir það með þessari", eins og hann vissi að ég myndi ekki eftir neinu. Skrýtna var það að stelpan var í rauðri úlpu ljóshærð með hárið allt greitt aftur einhvern veginn....

Seinni draumurinn var þannig að ég vaknaði við það að að hópur af krökkum og þá aðallega stelpur, samt líka strákar komu inn í herbergið rosa happy og hlæjandi og heilsuðu mér. Þau virtust þekkja mig allt það, þau vildu að ég væri á vakt vegna þess að það væri alltaf einhver hurð niðrá sjúkrahúsi að bila og ég gæti gert við hana og vildu fá símanúmerið mitt. það var ein sæt stelpa dökkhærð sem fór alveg upp að mér og horfði á mig með þessum "puppy eyes" augum. Þannig að ég fór að leita að símanúmerinu mínu??? sem er skrýtið þar sem að ég kann það mjög vel sko.... EN það skrýtna var að á meðan ég var að þessu þá greip hún um rassinn á mér og hélt þéttingsfast, og öllum hinum fannst þetta ósköp normal og hún hélt alltaf fastar og fastar og horfði meir og meir í augun á mér og ég leit upp frá símanum og sá augun í henni dökk óljós litur brún en samt einhvern veginn blönduð gylltum þræðum....veit ekki. Allavega þarna vaknaði ég við síman í morgun...

Welcome to my twisted mind...

Pólitík ég hata hana (linkur hér)

2006-01-15T17:48:00.000Z

Myndir þú kjósa manneskju sem gekk úr öðrum flokk í einhvern annan, hreinlega sveik kjósendur sína og flokksins?

Þetta er svo mikil heimska að halda það virkilega að geta farið í framboð þegar enginn veit hvort þér er treystandi...

lélegt blogg er betra en ekkert blogg ???

Siðleysi DV

2006-01-10T22:00:00.000Z

NFS, 10. Janúar 2006 18:30

Svipti sig lífi eftir ásakanir um kynferðisbrot

Karlmaður á sextugsaldri svipti sig lífi í morgun, eftir að DV birti mynd af honum á forsíðu og bendlaði hann við kynferðislegt ofbeldi gegn ungum piltum. Ásakanirnar gegn honum hafa ekki verið sannaðar og bróðir mannsins segir að DV hafi nánast rekið hann í dauðann.

Á forsíðu DV í morgun var birt mynd af karlmanni með fyrirsögninni "Einhentur kennari sagður nauðga piltum". Fréttin fjallaði um kæru tveggja pilta á hendur manninum fyrir kynferðislegt ofbeldi. Sjálfur sagði maðurinn málið byggt á misskilningi. Þrátt fyrir að enginn dómur hafi fallið í málinu sem í raun er á frumstigi og að orð standi gegn orði, taldi DV rétt að birta mynd af manninum á forsíðu.

Í morgun fann vinur mannsins hann á heimili hans og hafði hann þá tekið eigið líf. Bróðir mannsins sagði í samtali við fréttastofu að fjölskyldan væri sundurtætt af sorg vegna þessa harmleiks. Hann sagðist hafa hringt á ritstjórn DV í dag til að tilkynna þeim andlát bróður síns og fundist rétt að gera það, þar sem hann teldi að fréttaflutningur DV hefði nánast rekið bróður sinn í dauðann.

Jónas Kristjánsson, ritstjóri DV sagðist ekki vera beinn málsaðili að málinu og því vildi hann ekki tjá sig um það þegar fréttastofa hafði samband við hann.

Hvað þarf að segja meira?

2005-12-22T19:07:00.000Z

Gleðileg jól

Og sjáumst hress að ári liðnu...

Ýmislegt misgott

2005-12-11T21:56:00.000Z

Búið að vera brjálað að gera í vinnunni og ég held að allir hafi loksins snappað, jólastressið er loksins búið að ná til fólks, FÓLK ER GEÐVEIKT!!!!

Já það er búið að vera brjálað að gera og Íslendingar eru að eyða peningum í jólaskreytingar, seríur og fjöltengi...

Ég þarf að versla jólagjafir og vesen sem þýðir að það verður farið af stað á Þollák og bókstaflega hlaupið á milli búða á síðustu stundu og á endanum allt keypt í Tiger í einni ferð um búðina... og svo dregið úr pokanum og pakkað inn og gefið af handahófi til fólks...

Jólin í ár ætla að verða að vinnuveitenda jólum, fólk vinnur bara og vinnur, enginn hefur tíma ti þess að versla þannig á endanum fara allir á hausinn... kannski ekki alveg.

En ég hef oft pælt í þessu, vinnan sem ég er að vinna leyfir mér ekki að skreppa mikið frá, þannig að ég hef verið að pæla að ef þetta er svoleiðis á flestum vinnustöðum, hvernig lifa allar þessar verslanir af á meðan enginn hefur tíma til þess að versla???

Þetta er örlítið flóknara en það býst ég við...annars er ekkert frekara að frétta af mér nema það að ég ákvað allt í einu að líklega myndi ég kjósa Vinstri-Græna í næstu kosningum, þ.e.a.s. ef ég nenni að fara og kjósa, eða að ég skipti um skoðun ;)
Afhverju??? jaa þessi flokkur er allaf að gagnrýna allt og er á móti öllu, þeir segjast hafa aðrar leiðir til þess að gera hlurina, afhveju ekki að láta þá standa við stóru orðin ogg koma þeim á þing? Kannski væri það gaman að sjá þá klúðra öllu o standa ekki við loforð sín. Það og það að það er enginn sósíalistaflokkur né kommúnistaflokkur hér á landi sem ég veit um...

Hér eru núverandi álit mín á hinum flokkunum:

Samfylkingin er of blönduð til þess að e-a komist í verk að mínu mati, þessi flokkur byggist á málamiðlunum. Það ekkert gagn í því að vera með allt hálfklárað. Ef þeir kæmust í stjórn væri engin þörf fyrir stjórnarandstöðu, þau myndu sjá um það sjálf...að vísu gildir það sama um Vinstri græna líka ;)

Frjálslyndiflokkurinn....Voru íhaldssamir frjálslyndis menn hér áður fyrr en hefur verið að yngjast upp, núna er þetta meira tækisfærisflokkur sem gerir allt fyrir atkvæði skiljanlega, en það er kannski allt í lagi að hafa aðra stefnu en bara byggðastefnu??? Eru alltaf sammála fólkinu í öllum málum. Eru að reyna að ná landsbyggðaratkvæðum eingöngu. En til hvers? HVAÐ ÆTLIÐ ÞIÐ AÐ GERA?!?!

Framsóknarflokkurinn....Ég fæ hroll við að segja þetta orð, þetta er flokkur sem á alveg rétt á að verða þurrkaður út í næstu kosningum, byggja á því að vera flokkur sem nær oddaaðstöðu í kosningum og eru tilbúin að selja sig hverjum þeim sem hefur áhuga á... Auk þess að þetta er mikið til íhaldssamir "miðjumenn"...

Sjálfstæðisflokkurinn....hvaðan fær þessi flokkur atkvæði sín?!?!?! Þetta eru íhaldssamir stjórnsemisfrík sem vilja ráða öllu. Ég vil að vísu ráða öllu en ég er ekki tilbúin til þess að dýrka og dá og hlýða í einu og öllu "Formanninum" sem öllu ræður. Merkilegt hvað sjálfstæðismenn eru allir eins, allir að troða skoðunum sínum á framfæri og finnst þeir þurfa að verja gerðir allra flokksbræðra sinna, virkar meira á mig sem einhverskonar trúarregla frekar en stjórnmálaflokkur. Allir meðlimir Ungra sjáfstæðismanna eru eins klæddir, takið Bara Gísla Martein og þar hafið þið þessa steríó týpu, fá þessi menn búninga afhenta við inngöngu í félagið eða?
Félagskerfi Íslands er í rúst þökk sé þessum flokki og Framsókn, og viðskiptalífið er í fínu lagi og krónan sterk sure, en hvað með þá sem ekki eru atvinnurekendur eða eru öryrkjar?!?! Félags- og heilbrigðismál eru ekki partur af því!! Markaðsvæðing og frjáls verslun leysir ekki öll vandamál!!! það er allt annað að efnahagurinn sé að hitna og þensla mikil og það að geðsjúkir ráfi um götur og það sé biðlisti eftir hjartauppskurði...ætti að heita Viðskiptaflokkurinn.

Ég vil að lokum minnast á það að það er fáránlegt að vera að reyna að halda því fram að kjósa annan flokk breyti einhveru stóru, þar sem að í rauninni eru það fastráðnir starfsmenn ríkisstofnanna og ráðuneyta sem stjórna mestu þó kannski meira óafvitandi, þetta fólk semur frumvörp, lög og reglugerðir, það leysir vandamál sem ráðamenn biðja um lausn á og þetta fólk á að ráða óháð pólitískum skoðunum, held að það sé meira að segja bannað að byggja ráðningu starfsmanna ráðuneyta á pólitískum skoðunum, þó að það sé eflaust gert að vissu leyti. Þetta fólk sem vinnur fótavinnuna og leggur grunninn ræður meiru en margan grunar...

Að lokum...
Enn ein könnunin handa ykkur...

You scored as Postmodernist. Postmodernism is the belief in complete open interpretation. You see the universe as a collection of information with varying ways of putting it together. There is no absolute truth for you; even the most hardened facts are open to interpretation. Meaning relies on context and even the language you use to describe things should be subject to analysis.

Postmodernist

69%

Existentialist

63%

Romanticist

63%

Modernist

50%

Cultural Creative

44%

Materialist

38%

Idealist

25%

Fundamentalist

25%

What is Your World View? (updated)
created with QuizFarm.com

Að búa ekki á Hótel Mömmu

2005-11-24T23:14:00.000Z

Ég fór aðeins að pæla í þessu, það að búa ekki lengur hjá mömmu gömlu og allt sem fylgir er alveg sjálfsagt en þetta eru náttúrulega viðbrigði, sérstaklega fyrir okkur strákana og kannski stelpurnar, ég veit bara það ekki hvernig þetta er fyrir kvk, þar sem að ég er nú með XY litninga ekki XX....

En allavega það sem breytist er náttúrulega húsverk, þvottur, matur og bara....fjandinn, ALLT!!!

En þetta er samt ekki alveg öll sagan, það þarf líka að ganga frá hlutunum, brjóta saman þvott, og fleira, t.d. var ég ekki að gera neitt gáfulegt varðandi það að brjóta saman boli og peysur, þannig að þegar ég sá þessa síðu á b2 þá hló ég fyrst og svo prófaði ég þetta og það svínvirkar...

Og varðandi eldamennskuna, maður getur farið frá matnum hennar mömmu en löngunin er sterk samt sem áður og áðan stóð ég mig af því að spyrja pabba hvernig sú gamla fór að einu í matseldinni og fékk svar.

Ég er samt á því að kannski hefur fækkað tíðninni á hreingerningu en í staðinn bara allt tekið vel í gegn í hvert skipti...

En allavega þetta er tilbreytni og ég hef bara ekkert pælt voðalega mikið í þessu, maður tekur þetta bara sem sjálfsagðan hlut og gerir þetta.

Réttartorfa

2005-11-22T18:04:00.000Z

Skrapp í túr á nýja jeppanum á Sunnudaginn nú er leið, sú ferð var farinn í þeim tilgangi að prufukeyra þann rauða í smá snjó, fékk slatta af snjó og hellings ferðalag í gegnum hraun og hliðarhalla og bara allt sem reynir hvað mest á bíla í svona ferðum.

Vaknaði lítið ferskur kl. 7 á sunnudagsmorgni þar sem að ég þurfti að fara niður á verkstæði að henda 38" dekkjunum undir ferlíkið og þau eru alls ekki létt, ég og gamli drifum í því og pumpuðum í dekkin á Troopernum og Hiluxinum og hittumst svo á Leirunesti kl. 10, þá voru 5 bílr lagðir af stað og við vorum í 3 bíla hóp á leiðinni austur, svo í Bárðardalnum var þessi svakalega hálka, og ég með slæmar bremsur á aftan og ónegld dekkinn að sjálfsögðu, skautaði fram af í einni beygjunni og fór á girðingu rétt hjá heimabæ mágkonu minnar Mér tókst þannig að rispa framkantinn hægramegin á gaddavír og brjóta stöðuljósið þar líka, góð byrjun... En þetta var ekki alvarlegt þannig að það var haldið áfram.

En þegar upp eftir var komið þá var bara hleypt úr og keyrt í gegnum hraunið með rétt nægilegan snjó til þess að komast í gegnum það án þess að eiga mikla hættu á að rífa dekk eða keyra á grjót. Þetta var merkilega góð reynsla í fyrsta túr á bíl til þess að kynnast honum, ég lærði á fjöðrunina skiptinguna og bara hvernig það er að höndla bílinn í mjög kröppum og þröngum aðstæðum og að það að þetta er það léttur bíll að hann höndlar alveg flestar aðstæður.

Fyrir utan útafaksturinn þá var þetta bara mjög góður túr og við vorum komin heim um kl. 22 u.þ.b.

Hér eru svo myndir sem náðust af gripnum :

Brúmmmm bíbb bíbb......

2005-11-18T00:00:00.000Z

Já ég var að versla, ég fór suður og keypti mér eitt stykki jeppa.

Þetta er Toyota Hilux Double Cab árgerð 1991 og er breytt fyrir 38" dekk, hann er samt á 35" dekkjum á myndinni vegna þess að ég er ekki búinn að setja stóru dekkin undir ennþá. Bíllinn er með loftlæsingar að framan og rafmagnslæsingu á afturdrifinu. Í þessum bíl er 2.4 lítra díesel vél, ekkert voðalega öflug en góð samt, á pallinum að aftan er búið að koma fyrir 195 lítra aukatank, þannig að í heildina get ég tekið 275 lítra af olíu og keyrt endalaust. Bíllinn er keyrður 285 þús. km. sem er ekki mikið miðað við að einn sem var á eftir mér í skoðun í gær var búinn að keyra sinn 320 þús. km.

Bíllinn er í fínu ástandi hvað varðar innviðina og vélarbúnað og drif. Lakkið er hins vegar skemmt, og það er það sem ég þarf helst að gera við.

Myndi skrifa meira nema hvað ég er dauðþreyttur og búinn að dotta við að skrifa þetta.

GN

um bækur og annað

2005-10-30T21:35:00.000Z

Ég var að horfa á Sjálfstætt fólk áðan, ekki vegna þess að ég hefði áhuga á því heldur vegna þess að ég nennti ekki að horfa á þennan skrýtna Kastljós þátt, né var ég í sérstaklega miklu skapi til þess að horfa á auglýsingar á Skjá 1 og "Ástarfleyið" er ekki mín hugmynd að skemmtiefni.

Allavega þá var Jón Ársæll að spjalla við þennan rithöfund Thor Vilhjálmsson sem ég kannast bara því miður ekki við.

Í þessum þætti þá var alltaf verið að minnast á að sumir höfundar hefðu breytt lífi hans eða að aðrir voru að segja að Thor hefði haft slík áhrif á sig. Þetta kom mér aðeins til þess að hugsa og það gerði ég, hugsaði.

En að þessari íhugun lokinni þá komst ég að þeirri niðurstöðu að ég hef aldrei að mér vitandi lesið bók, eða talað við einhvern á þann hátt að það hafi breytt lífi mínu...

Ég fór að hugsa betur og komst að þeirri niðurstöðu sem mér fannst frekar leiðinleg að ég virðist ekki hafa nein svona "trúarrit" eða þannig hluti sem ég fer eftir og þannig.

ég veit ekki hvert ég er að fara með þetta en bara ég varð að minnast á þetta.

kveðja

nöldur

2005-10-29T00:09:00.000Z

Stundum, stundum þá hata ég heilann í mér, e-a bara hugtakið um andlegt jafnvægi.

Lítum aðeins á þetta.

Segjum að þú hafir átt góðan dag í vinnunni/skólanum/whatever og þér líður vel, óvenjuhátt sjálfstraust og þú þykist geta gert allt og hefur getað gert allt allan þennan dag og verið reddari dagsins og ert ákveðinn og veist hvað þú vilt. Ég meina þessa daga sem maður finnst maður vera ómissandi og vel virkandi partur af lífinu og finnst aðrir taka undir það. Þetta eru að mínu mati perfect dagar, það er ekki oft sem ég hef eitthvað sjálfstraust til að tala um hvað þá til þess að gera hluti án þess að þurfa að æfa þá fyrirfram og íhuga allar mögulegar afleiðingar.

Svo fer maður að sofa, þegar ég fer að sofa þá leggst ég á hliðina, sný mér upp að veggnum og loka augunum, bíð og vona að ákveðið ferli fari ekki í gang, en það fer alltaf í gang.

Ferlið er það að ég fer yfir allan daginn í huganum, eða gærdaginn eða mánuðinn, fokk it jafnvel allt árið.

Tilgangurinn?
Já, hann er til þess að gera lítið úr sjálfum mér sjáiði, því ég fer yfir öll þau atvik þar sem að ég hefði mögulega, bara rétt mögulega geta orðið mér að fífli á einhvern hátt.

Og ég finn atvik ímynduð, ekta, eða bara miskilning, sem geta hafa verið áliti annara á mér til ills.

Þessi sjálfvirka leit að hlutum til þess að draga niðrí mér virkar sem einhverskonar mótvægi gagnvart jákvæðum dögum hjá mér og stuðlar þannig að andlegu jafnvægi hjá mér þó að þetta jafnvægi sé langt undir þeim mörkum að það geti talist jákvætt.

Í stuttu máli, þá er ég ekki sáttur við heilann í mér...

hvaða hvaða....

2005-10-23T18:17:00.000Z

Ég er bara engann veginn að finna e-a til þess að skrifa um. Annars hef ég bara verið að vinna, mikið hjá pabba gamla og hef verið að villa á mér heimildir með því að kalla mig rafvirkja. Svo hef ég líka verið í Ískraft.
Annars er ég ósköp rólegur e-a nema það að ég hef kannski náð á 3 dögum að eyða 10 tímum heima í Tröllagili. Búinn að vera á þönum allstaðar og hef ekkert verið að sofa mikið heldur og alls ekki í mínu rúmi þá.
Svo á ég eftir að gera við tölvuna mína, búinn að vera að sanka að mér hlutunum sem ég þarf til þess og alltaf er meira o meira sem ég ætla að gera að bætast við. Ég verð búinn að smíða ofutölvu með þessu áframhaldi.

Samt eru fréttir í þessari viku : Halli, Sæsi, Gunni mús, Ingvi og Jónsi eru að flytja aftur í Teig, þeim bauðst það húsnæði víst og slógu til, enda var óneitanlega stemmning þegar þeir voru þar síðast, spurningin er bara hvort það verði ekki bara að finna stærra húsnæði og stofna þar til kommúnu að hippafyrirmynd?

Nei bara hugmynd.

Fleiri verða þau orðin ekki og ég er farinn að reyna að gera ekki neitt.

Fleiri Próf!!!!

2005-10-13T00:32:00.000Z

Hér er annað sem ég sá að Biggi var búinn að skjóta inn á síðuna hjá sér :

What Classic Movie Are You?
personality tests by similarminds.com

Áhugavert að flokkast undir Apocalypse Now....með sýrðari myndum um geðveiki stríðs sem til er, og það versta er það að mér finnst hún meika sens að miklu leyti...

Svo tók ég annað svona upp á djókið...

You scored as Nerdy Girl.

Nerdy Girl

63%

Hippy

56%

Loser

56%

Goth

56%

Athletic Tomboy

56%

Popular Bitch

38%

Slut

31%

Preppy Girl

19%

What type of girl are you?!!
created with QuizFarm.com

Ég er greinilega nörd sama hvers kyns ég er....

Copycat

2005-10-06T19:03:00.000Z

Ég ákvað að spreyta mig á prófi sem Bjarki tók og sjá hverrar trúar ég er, eða hallast hve mest að:

You scored as agnosticism. You are an agnostic. Though it is generally taken that agnostics neither believe nor disbelieve in God, it is possible to be a theist or atheist in addition to an agnostic. Agnostics don't believe it is possible to prove the existence of God (nor lack thereof).

Agnosticism is a philosophy that God's existence cannot be proven. Some say it is possible to be agnostic and follow a religion; however, one cannot be a devout believer if he or she does not truly believe.

agnosticism

88%

Buddhism

63%

Satanism

58%

atheism

50%

Islam

50%

Christianity

46%

Judaism

46%

Hinduism

46%

Paganism

46%

Which religion is the right one for you? (new version)
created with QuizFarm.com

Var alls ekki hissa á að sjá efahyggjusemina sem ég var löngu búinn að fatta sjálfur, samt e-a í sterkari kantinum 88% en búddismi er e-a sem ég bara þekki ekki það vel, kom skemmtilega á óvart vægast sagt í öðru sæti með 63%, en í 3. sæti Djöfladýrkun!?!?!!??! 58%........ átti alls ekki von á því....

Ætla að setjast niður setja á mig geitarhornin og fórna einni jómfrú og kannski ungabarni og hugsa málið aðeins betur...

sökk faktor 5

2005-10-03T00:57:00.000Z

Ég var að uppgötva, reyndar bara að viðurkenna, það að ég sökka sem bloggari, ég hef ekki þetta "flair" sem margir hafa við skriftir á síðunum sínum, það að ná athygli fólks, ég er langorður um ómerkilega hluti og hef áhuga á fáránlegum hlutum, margir sem þekkja mig vita að ég er forfallinn Star Trek aðdáandi, þ.e.a.s. mér finnst gaman að horfa á vísindaskáldsögu myndir/þætti s.s Star Trek, Battlestar Galactica og þess háttar. Þetta er dæmi um útúrdúr sem ég er gjarn á að vera með ;)

En það að ég er nörd er ekki málið á bakvið það að ég er ekki sérstaklega góður í því að skrifa, heldur er það að ég er óöruggur í frásögn, ég hef of miklar áhyggjur af því að ég sé að klúðra sögunni að ég er að leiðrétta mig í sífellu, og þegar ég er að skrifa þá hef ég það óheppilega tækifæri að geta lesið yfir það sem ég er að skrifa og ég leiðrétti það þangað til að fólk getur ekki rangtúlkað skriftir mínar að neinu marki (að ég held, veit ekki um árangurinn þar). Ég er líka gjarn á að vera í sífellu að benda á galla mína sem manneskju, þannig að í lokinn þá er þetta eins og sótthreinsuð rannsóknarskýrsla í vísindatímariti...

Spyrjið mig bara um að segja ykkur brandara, ég klára hann aldrei vegna þess að ég þarf alltaf að vera að útskýra hitt og þetta og bla bla bla, endar með því að ég er búinn að vera svo lengi að fólk er búið að missa áhugann og hlær ekki og þess vegna er ég alltaf að forðast að tala við fólk þar sem ég er ekkert voðalega góður í því.

Fyrir ykkur sem hafið lesið allt þetta hérna að ofan og eruð enn að þá ætla ég að hætta að kvarta og kveina og benda ykkur á hérna þessa þætti, Firefly sem sýndi bara 11 af 14 þáttum áður en FOX cancellaði þáttunum forever að allir héldu, en núna er verið að gefa út mynd sem heitir "Serenity" sem hérna er gerð eftir þáttunum og sumir vilja meina að sé mjög mjög góð, jafnvel ef þú hefur ekki séð þættina, reyndar sérstaklega ef þú hefur ekki séð þættina.
Ég hins vegar eyddi 652 mínútum af ævi minni og 12 sekúndum betur í að horfa á alla seríuna og er eiginlega ótrúlega hissa á að þessum þáttunum hafi verið cancellað þar sem að þetta er minna sci-fi og meiri vestri í framtíðinni ef eitthvað annað...

well nenni ekki að skrifa meira þar sem að enginn les þetta hvorteð er.

júhú 5 vikur!!!!

2005-09-28T19:37:00.000Z

Já ég hef ekkert skrifað í tæpar 5 vikur, sem þýðir:

Það er ekkert að frétta...

Nei allavega þá er tölvan mín hrunin þ.e.a.s. Windows ákvað að það virkaði ekki lengur og leyfir mér ekkert að leika mér...sem þýðir viðgerðir og ENDURBÆTUR

Fæ lokahutinn í gripinn 30. sept...ætti að auka kraftinn á skjákortinu örlítið.

Annars er ég ekkert í skóla þessa önninna vegna "smá" klúðurs bæði hjá mér og háskólanum, það gleymdist víst e-a að athuga hvort ég ætti að vera í þeim áföngum sem ég var skráður í, komst upp 4 vikum eftir að skólinn byrjaði og þá voru öll aukapróf og þessháttar búin og ég átti þá áfanga eftir sem var forsendu áfangi í því að halda áfram víst og hann er bara kenndur á vorönn...verð semsagt bara í skóla eftir jól.

Það sökkar... en ég er bara í vinnu þá hjá Ískraft og einnig hjá honum föður mínum að þykjast vera rafvirki eða e-a svoleiðis...þarf pening fyrir nýjum bíl...Toyotan er að deyja, samt búin að endast ágætlega, 6 ár er fínn tími, en hún er orðin 14 ára gömul og það er hár aldur á bíl að mínu mati. Hún er hætt að fara í gang í köldu, blautu og röku veðri og það er veðurlýsing síðustu 2 mánaða hér fyrir norðan.

annars bara bleh...nenni ekki að tala um Baugsmálið sem virðist bara vera að þróast út í það að Jónína Ben sé "kreisí person" og hafi verið sú sem kveikti í þessu báli. Davíð þykist ekkert vita sem er erfitt að trúa þar sem að framkvæmarstjóri Sjálfstæðisflokksins Kjartan, Styrmir ritstjóri gamla vinnustaðs hans og góðkunningi Davíðs hann Jón Steinar eru ALLIR bendlaðir við þetta, Styrmir búinn að þrykkja í Jónínu hans Jóhannesar sem Jóhannes dömpaði í illu, Jón Ásgeir býður Davíð 300 millur, Saksóknari þvingaður til að sækja mál sem Héraðsdómur hendir út um dyrnar....
Þetta er farið að hljóma eins og Guiding Light....

bæ bæ bæ bæ bæ bæ bæ bæ bæ bæ bæ bæ bæ bæ bæ bæ bæ bæ bæ bæ bæ bæ bæ bæ bæ bæ bæ bæ bæ bæ bæ bæ bæ bæ bæ bæ bæ bæ bæ bæ bæ bæ bæ bæ bæ bæ bæ bæ bæ bæ bæ bæ bæ bæ bæ bæ

Geiri J.

Menning og fleira...

2005-08-23T02:29:00.000Z

Þetta layout er að fara í pirrurnar á mér...

En allavega, mánuður er full langur tími á milli blogga. Ég býst fastlega við því að þetta lagist núna í vetur þegar maður fer að vera í tímum í skólanum og hefur ekkert að gera í tímum...ha? fylgjast með kennaranum? afhverju?

Já skólinn er að byrja aftur og ég er náttúrulega í furðulegri áfangablöndu sem ég er ekki að fatta, á eftir að skoða þetta betur núna þegar ég þarf að fara að pæla í þessu...

En annars er bara það að frétta að ég fór suður á menningarnótt með Bjarka og Bjössa og Bjössi var skilinn eftir... Nei kallinn er bara að fara til Svíþjóðar eða er farinn að öllu líkindum þannig að hann flaut með suður.

En þetta var allt saman mjög áhugavert og menningarlegt, verð nú samt að segja að ég var nú ekki var við óvenjulega mikla menningu nema drykkjumenningu Íslendinga sem og þessar ÓTRÚLEGU gelgjustóð sem þrífast á Lækjartorginu og þar í kring...Þetta er eins og að labba inn í mávaþvögu sem gargar og gargar og gargar...

annars var bara drukkið, farið í bæinn, labbað um, spjallað við þá tugi MA-inga og fólk sem ég "kannast" bara við, þ.e.a.s. ég kynntist þessu fólki lítið því miður, ekki vegna viljaleysis, frekar vegna þess að ég var ekki alveg inní neinu af félagslífinu í MA.

Ótrúlegt að sjá sumt af þessu fólki samt, virkilega gaman, þó að ég sé yfirleitt fljótur að drepa niður samræður þar sem að ég hef ekkert að segja og vil ekki gera mig að fífli með því að segja e-a asnalegt, já ég er svona ennþá, mér finnst stundum eins og ég eigi að vera búinn að "læknast" af fælninni en svo man ég alltaf á endanum að þetta virkar ekki þannig.

Það sem pirrar mig er það að ég er kannski búinn að ákveða að gera hluti, eða langar til þess, virkilega langar, þá reyni ég eða kemst á það stig að ég er búinn að plana hvað ég þarf að gera...þá yfirleitt, þegar ég kemst á það stig að virkilega þurfa að gera hlutina, þá stoppar allt og ég endurmet hvort að ég "þurfi" þessa hluti, þ.e.a.s. hvort að ég geti lifað án þess sem mig langar til þess að gera.

Það sem er mest svekkjandi er það að sumt af þessu er svo sjálfsagt og einfalt að allir geta gert þetta.

Ég er virkilega hamlaður af því að þora ekki inn á staði, að leita mér upplýsinga, að tala við fólk, t.d. finnast mér sölumenn yfirþyrmandi, þeir búast alltaf við einhverju frá manni og maður þarf að ákveða e-a strax og þeir standa yfir manni.
Það skrýtna er samt það að þetta er nákvæmlega það sem ég vinn við að gera, ég stend hjá fólki tilbúinn að svara spurningum, vil ekkert nema hjálpa þeim...

Ég er samt líka þannig að ég verð að vera búinn að afla mér upplýsinga ÁÐUR en ég far í búðir, ég vil vita hvað ég er að fara að kaupa/skoða, ég vil ekki líta út fyrir að vera heimskur, að vita ekkert hvað ég vil...

þetta varð lengra en ég ætlaði...

góða nótt.

me love you long time baby...

2005-07-24T02:01:00.000Z

Ég er með svo væminn tónlistarsmekk, ekki það að ég sé neitt ósáttur við það en ég er samt forvitinn, t.d núna er ég að "blasta" nýja disknum sem James Blunt var að gefa út "Back to Bedlam". En allavega þá er þetta ekki beint þessi hefðbundna tónlist sem þeir í kringum hlusta á, sem er skrítið þar sem að ég get alveg og geri svolítið í því að hlusta á 'eavy metal og rokk tónlist en ég er einhvern veginn ekki að dýrka þá tónlist þó að mér þyki hún oft góð.

Mér sýnist á öllu að ég sé nýjungagjarn á tónlist, þ.e.a.s. ég er fljótur að grípa það sem er ekki venjulegt. Einnig sýnist mér á öllu að ég sé Jazz aðdáandi eða a.m.k hrifinn af tónlist með jazz ívafi, en mest er ég hrifinn af tónlist eins og Coldplay, Travis og þess háttar...

En eins og ég sagði þá er ég alæta á tónlist nema rapp, ég bara get ekki hlustað á rapp, Tupac og félagar eru bara ekki að ná til mín, ég meina ég hlusta á þessa tónlist en ég bara er alls ekki að fíla hana...

Jamm best að reyna að klára þennan bjór og reyna að tölta niðrí bæ...

jungle fever

2005-07-15T00:15:00.000Z

já ég fékk rosalegar 2 nætur í röð, það flaut sviti um allt, ég svaf lítið sem ekkert, var útkeyrður um morgunin og allt snerist í hringi, man ekkert hver hún var sko....

Það er ekker skrítið með þetta síðast þar sem að ég hef verið með 40°C hita og verki í hverju einasta liðamóti sem mér datt í hug að reyna að hreyfa og já þá eru tærnar og rófubeinið talið með...

Allavega þá er ég búinn að hanga heima í rúminu í 2 daga og ég áttaði mig á því að ég er búinn að horfa á allar 4 seríurnar af Scrubs og veit nánast allt um alla leikaranna, og er búinn að stofna Sarah Chalke fan klúbb (hot babe sko, já og takk Seranzo þú hjálpaðir mér ótrúlega mikið) hún er tha dreamchick sko. En allavega þá var þetta áhugaverður tími svefns og móks og svita...

any who þá er ég þreyttur, og mér finnst ekkert gaman að skrifa hérna þar sem að ég er seriously félagsfælinn upp á síðastkastið, ekki á neinum lyfjum eða neitt og hef verið að fá nokkur atvik í vinnunni, ekkert sem truflar mig mikið vona ég...

En ég hef verið að pæla í þessari síðu, hversu tilgangslaus hún virkilega er þar sem að ég er einfaldlega ekki nægilega opinn til þess að halda úti svona síðu þar sem að markmiðið er að vera nógu áhugaverður til þess að vekja upp fólk, ekki fæla það í burtu...

btw, varðandi félagsfælni þeir sem ekki vissu, já ég er hræddur við fólk og að tala við það ásamt öllu öðru...

auk þess að ég er hræðilegur á að þekkja fólk aftur, ég man andlit alltílagi en nöfn! shittur í kvöld kom sendill með pizzuna mína (vá ég panta pizzur, þarf 5 mín ritual áður en ég hringi og finnst ég klúðra öllu hvort eð er) sem ég átti víst að kannast e-a við man samt ekkert hvað heitir sko sorrý og það sem verra var að ég mundi ekkkkkkkkkert eftir honum fyrr en hann minnist á einhvern bjór sem hann skildi eftir en skv. 2 vikna reglu hússins var löngu farinn.....

bleh

blah blah blah blah blah bla?

2005-07-03T16:32:00.000Z

Já ég henti út helv. vefcameru dæminu hérna til hægri þar sem að ftp aðgangurinn hjá Háskólanum breyttist e-a og ég nennti bara ekki að skoða það...

En annars þá hef ég ekkert verið að gera nýtt síðan síðasta blogg kom inn nema það að vinna...

Er ennþá með e-a helvíti að pirra mig í hægra auganu, virkilega að fara í mínar fínustu núna...

Annars er ég bara að sitja við tölvuna og horfa á rigninguna úti, ekki það að ég væri úti ef það væri betra veður...það er samt eitthvað sem er pirrandi þegar það er svona ,,leiðinlegt" veður...

Ég hef verið að lesa skringilega mikið af bókum og skáldsögum á netinu undanfarið (þess vegna er augað að pirra mig, get ekki lesið svona) alveg merkilegt að maður sé að lesa þetta svona og svona mikið magn, ég held að ég sé kominn vel á annan tug bóka á mánuði eða tveim...

well var að pæla í að skrifa um eitthvað merkilegt, að reyna vekja upp athygli, þetta blogg er eins og mánaðarlegar stöðuskýrslur sem alltaf segja það sama, og eru alltaf jafn óupplýsandi...

Btw, War of the Worlds er góð en það er bara eitt atriði sem er eftirminnilegt ufram öll hin...það er þegar þau eru á yfirgefna veitingastaðnum og eru að horfa á bílinn fara burtu...

þetta er nógu óljóst en samt lýsandi...það er bara eitthvað svo mannlegt í þessu atriði, eitthvað sem myndi gerast (hefur gerst) og er samt svo sorglegt...

jæja seinna lómur... <----------wtf???

Langt langt langt....

2005-06-28T00:03:00.000Z

Já það er svakalega langt síðan ég skrifaði síðast, mánuður rúmur...

En ok, ég er að vinna í Ískraft í sumar að selja rafvirkjum kapla, tengla, ljós, perur, rör og allt annað sem þá mögulega vantar.

En það eru gamlar fréttir. Ég hinsvegar keypti mér íhluti og setti saman "nýja" tölvu, kostaði mig 70.000 kr. en hins vegar er þessi öflugri heldur en sú sem ég var að íhuga að kaupa, AMD Athlon 64 3500+ örgjörvi, 2048mb af RAM, 480GB af hörðum disk (þarf að læra að setja þetta upp í RAID), og 128mb skjákort sem ég átti...og 450w Fortron aflgjafi... ásamt öflugri viftu sem ég hélt að ég kæmi ekki í kassann í fyrstu...

s.s. þetta heppnaðist snilldarlega...

Hversu nördalegt var þetta?

Talandi um annað þá þarf ég að fara að endurnýja þessa síðu, hún er alltof skrýtin...ég veit ekki alveg hvað ég var að hugsa þegar ég setti upp þetta look sko...þetta er of e-a dautt...

Best að drölla sér í rúmið, maður þarf í vinnuna á morgun.

hellú

2005-05-30T23:18:00.000Z

Já tími kominn á þetta, maður þarf að viðhalda þessu víst...

Jæja tölvan mín gaf upp öndina og ég er að nota lappann í að þjónusta netþörfinni og leikjaþörf....

og það gengur ekki of vel...

Þetta er ekki leikjavél og ég hata lyklaborðið á henni.

Þannig að ég er að íhuga kaup á á nýrri tölvu eða hlutum til þess að smíða nýja tölvu, ég er ekki alveg viss um hvort að ég nenni eða treysti mér til þess að setja saman tölvu úr íhlutum og endurnýta það sem er í lagi í þeirri gömlu sem er þó nokkuð af dóti eða hvort að ég eigi að splæsa í nýja tölvu alveg tilbúna í slaginn...

já ég þarf að pæla í þessu, enda þó nokkur verðmunur og um leið stærðarmunur. þ.e.a.s. ef ég vel hlutina í tölvuna þá er ég að fá það sem ég vil í staðinn fyrir einhverja málamiðlun...

Já fjandinn ég et hana bara saman sjálfur. Ódýrara, fæ það sem ég vil og það verður ágætt að prufa þetta...

eða kannski ekki

Jamm ég þarf að skoða þetta...

Annars var það ekki meira sem ég ætlaði að segja nema bara *POKE*

Nýtt nýtt nýtt

2005-05-04T12:01:00.000Z

Nei ekkert nýtt í rauninni, bara að tilkynna að ég er ennþá á lífi, sadly þá hefur ekkert breyst....

Maður er bara að klára í skólanum og núna blasir sumarið við með vinnu og öllu tilheyrandi, sem þýðir líklega meiri vinna, ég veit ekki.

En ég bætti við link á Real Life sem er teiknimyndasería sem ég hef verið að fylgjast með í fleiri ár.

Svo vil ég bara að allir lesi steypuna.

Hvað á ég að segja meira?

fullur

2005-04-23T04:54:00.000Z

já ég ákvað að blogga undir áhrifum, hehe ekki eins og það breyti miklu þar sem að ég er að einbeita mér viðbjóðslega mikið varðandi stafsetninguna ;)

Var niðrí bæ áðan (dööh) og fór á Alí, þar sem smákrakkarnir eru, nó lökk þar, það voru engar flottar smápíkur þar, þannig að ég fór með bróður mínum og kærustu hans inná Café Amor, ekkert betra þar.

Þannig að ég er á því að þær stelpur sem séu á lausu (eru víst nokkrar skv. heimildum mínum) stunda ekki þessa 2 staði...

næst á dagskrá verða kaffi Ak og kannski sjallinn....

samt er ég eiginlega búinn að gefast upp á ykkur stelpur!!!

maður er alltaf næs gaur en ekki meira ha?

btw, þessu verður ekki eytt ha? heyriðu það ég?

að blogga

2005-04-18T00:28:00.000Z

Hvað bloggar maður um????

Ég meina maður sest niður loggar sig inn og hugsar svo "hvað get ég skrifað um?"
Það er alltaf þessi púki í manni að segja frá öllu hreint út og án ritskoðunnar, en ég meina þá yrði það bara nasty það sem að maður myndi skrifa, ekki það að ég sé að tala um að maður væri alltaf að tala illa um fólk heldur meira svona að bara greina frá hlutum sem maður venjulega greinir ekki frá...

Þessi hugsun um að "fara varlega" í blogginu er svo að stjórna mér að það er hreint út sagt ömurlegt, ég er alltaf að passa mig að gera mig ekki að fífli (ekki núna samt greinilega) passa mig um að segja ekki frá hlutum sem ég er ekki viss um að megi fara lengra (eins og hverri Skjóldal svaf hjá um helgina t.d.)

hvað meira? já ég er náttúrulega félagfælinn sem magnar þennan ótta upp í mér. Þeir sem ekki vita hvað félagsfælni er lesið þetta.

Allavega þá er það skrítið að ég skuli vera að skrifa þetta, ég er ekki að skrifa um neitt, og ég er í vandræðum að finna hluti sem ég má greina frá, sem ég vil greina frá og þori að greina frá...

Í stuttu máli þá veit ég ekkert hvað ég á að skrifa um...

Hvað er að frétta?

2005-04-15T10:02:00.000Z

Það er bara mest lítið.

Nema kallinn varð 23 ára þann 13. apríl síðastliðinn, takk fyrir. Mér líður eldri, þ.e.a.s ég finn fyrir aldrinum, best að fara að gera ráðstafanir fyrir elliheimilinu.

Það sem mér fannst hvað skemmtilegast við þennan afmælisdag var það að Baldvin eignaðist litla stelpu, sem virðist eiga heita Stella Baldvinsdóttir, þ.e.a.s. þegar hann Baldvin fær forræði yfir henni :) þangað til mun hún heita Stella Guðfinnudóttir ;)

Annars vil ég bara óska þeim til hamingju með stelpuna og vil benda á myndir af henni hér

Nei annars er þetta allt saman bara fínt, líka hersing af fólki sem á afmæli í apríl, Grjóni, Gummi, Ásta, Sævar og fleiri....(sorrý ef ég mundi ekki eftir þér).

Best að halda áfram...

bahh

2005-04-10T04:23:00.000Z

vantar eitthvað hobbý, annað en tölvur, tölvuleiki og að drekka í mig fullt af gagnslausum upplýsingum á netinu, ég er búinn að reyna að miðla þessum upplýsingum á wikipedia en ég hef bara ekki þolinmæðina eða e-a í þannig dæmi, endar með að ég les meira en ég skrifa :)

Annað er að það er bara meira setið við tölvuna þá, ég er ekki að meina að ég sé að reyna að komast frá tölvunni neitt sérstaklega bara að það væri lítil breyting :)

Ég ætla ekki í líkamsrækt af ástæðum sem ég ætla ekki að nefna hér.

Skotfimi væri e-a sem ég væri til í að prófa, nema það að "prófa" er dýrt mál...

Flug...ég hef alltaf ætlað mér að læra að fljúga einn daginn, enn það er líka dýrt spaug skilst mér.

Málið virðist bara vera að ég hef ekki sjálfsagann sem þarf til að halda mér við efnið eða ég missi bara áhugann fljótlega. Ef ég væri bjartsýnismaður myndi ég segja að ég hefði ekki fundið það rétta ennþá en ég er ekki bjartsýnismaður...

já bleh...

Umhugsunarvert...

2005-04-03T05:40:00.000Z

2. apríl kl. 19:37 (GMT) lést maður sem ég þekkti ekki neitt...samt vissi ég allt sem hann gerði, sagði, hafði álit á, allt um heilsu hans og hef aldrei þekkt annan mann í hans embætti. Jóhannes Páll Páfi II. var merkismaður, jafnvel þó að ég sé ekki kaþólskur að trú né mjög trúaður yfirhöfuð þá snerti dauði hans mig meira heldur en dauði margra annarra manneskja sem látist hafa á síðastliðnum árum...

Þessa manns á ég eftir að minnast einhverra hluta vegna, ég get ekki lýst því en mér finnst líkt og ég hafi þekkt hann, og ég gerði það að vissu leyti alla mína ævi, en samt ekki. Ég var nánast ekki sammála honum í neinum af hans stefnum sem mér fundust ávallt fornar, útúr takt við nútímann og vægast sagt ábyrgðarlausar... en samt dáði ég manninn.

Mér finnst líkt og að nú sé eitt af stórmennum sögunnar látið...gleymið Churchill, Stalín eða FDR...

Ég ætla að minnast Karols Józef Wojty?a, Jóhannesar Pálls Páfa II.

Megi hann hvíla í friði og njóta vistar sinnar hvar svo sem hún er.

Langt á milli pósta...

2005-03-21T19:34:00.000Z

Já ég er að pósta svona slitrótt núna undanfarið þar sem að mér bara dettur EKKERT í hug sem er merkisvert að skrifa um hér...en lets try it:

Bobbý Fischer bara orðinn an Æslander, það eru merkisfréttir (?!?!?!), reyndar er mér sama, finnst þetta kaldhæðni að vissu mati þar sem að með þessu erum við að standa uppí hárinu á Ameríkananum sem er búinn að missa áhugann á þessu og var tilbúinn að gera Fischer að "gesti" Japana um ókomna tíð.

En reyndar er ég bara mest feginn að þá er þetta mál úr vegi...samt 21 þingmaður fjarverandi við atkvæðagreiðsluna og wannabe-young-reformerarnir sátu hjá...ég hafði álit á þessu "unga fólki" þegar það var kosið á þing, en núna er ég mest bara pirraður en hef samt engann rétt til þess að vera það þar sem að ég kaus ekki, ég vildi fara og skila inn auðu (ég fyrirlít alla flokka og flokkapólítík á Íslandi), en þar sem að alltaf er bundlað saman auðum og ógildum seðlum saman þá gefur það enga mynd af þeim sem fóru og nýttu rétt sinn í mótmælaskyni, auk þess að mér var illa við að fara, phobian var á medium stigi þennan dag....

Já en nóg um minn pólítíska ósmekk....

Ég er glæpamaður hvað varðar að linka á vini og vandamenn, þ.e.a.s hvað það vantar marga þeirra þarna í listann, en núna bætti ég úr því, bætti við heimasíðu nafna míns og frænda hans Ásgeirs Bjarna, sem og bloggsíðu mágkonu minnar, þ.e.a.s. kærustu bróður míns (úúúúúúu) ;) Hún heitir Anna Sæunn sú skvísa.

Og ef EINHVER kemur með skot varðandi mín kvennamál, þá fer hann/hún/það á LISTANN :)

Kveðja.

kopfschmerzen !!!!!!!!!!!

2005-03-10T00:46:00.000Z

Eða eitthvað þessháttar..........

Akkúrat núna er ég að DREPAST úr hausverk, ég finn að nefið er að stíflast og ef ég er ekki að fá hita.....

Shitt hvað ég hata að vera veikur...alltof tímafrekt helvíti....

Allavegana þá var ég að koma úr bíó, fórum á myndina Hitch með honum Will Smith og Kevin James A.K.A Doug úr King of Queens.

Þetta var meiriháttar mynd, hló þónokkuð en fór aðallega hjá mér, allt sem fólk gerir varðandi stefnumót og að kynnast hinu kyninu. Maður lifði sig inn í þetta því persónunar voru svo gallaðar... Allar gætu þær verið til í raunveruleikanum...eða næstum.

Það sem mér fannst best við þessa mynd var það að fólk er oft að sækjast eftir sama hlutnum en hafnar honum um leið og tækifærið gefst þar sem ekki er farið eftir "réttum" leiðum eða hlutirnir ekki sagðir á réttann hátt....

allavega nóg í bili, vont að hugsa...

Þögn er gulls ígildi?

2005-03-03T02:46:00.000Z

Ég er alltaf að fara að setja inn langa grein hérna um pólitík og eða trú en svo þegar ég er búinn að hugsa þessar greinar út er ég alltaf svo óánægður með þær eða sé ekki tilganginn með að láta aðra þjást með því að lesa skrýtin viðhorf mín til þessara málefna...

Þannig að ég segi mest oft bara lítið og leyfi þessum uppköstum mínum að uppköstum á greinum að safna ryki í minni tölvunnar og heilans.

Annars er bara lítið að frétta nema að ég er að fara að byrja á að redda rafmagninu í hinum nýju híbýlum Haraldar Skjóldals nokkurs... Búið að ganga hraðar en ég bjóst við þannig að mér skilst að það sé beðið eftir þessu eða whatever...bara að fara í þetta og þá er þessu lokið....

Annars er þetta gaman að vera að "fikta" í þessu rafmagnsdæmi... að sjálfsögðu er Pabbi gamli hafður með í ráðum enda rafvirkjameistari og lets face it ég er ekki al knowing þótt að ég viti eitthvað um þetta.

Það sem er annað að frétta er að ég er búinn að vera vinna í nokkrum verkefnum í skólanum, sem er varla í frásögur færandi...nema það að ég hef átt það til að gleyma tímanum og fara langt yfir háttatímann ;)

btw, ef einhver reyndi að ná í mig um helgina þá gekk það ekki þar sem að ég var á ferðalagi um hálendi Íslands, í æðislegu færi og ég hef farið margt en um þessa helgi fór ég á staði sem fáir hafa farið á og enn færri munu leika eftir... eins og t.d. að keyra niður Tungafellsjökul brekku sem lækkaði mann úr 1500m yfir sjávarmáli niður í 700m. Brekku sem var nánast 90° brött á 100m kafla....

Að fara á Sunnudegi úr Laugafelli á Norðurlandi í Nýjadal, uppá Tungnafellsjökul, niður í Vonarskarð og upp á Vatnajökul í Grímsvötn og upp á Grímsfjall...og tilbaka SAMDÆGURS!

Meira um það ævintýri seinna og þá með myndum... ;)

Bæjó

lagfæringar

2005-02-14T17:26:00.000Z

Jamm eða frekar viðbætur, bætti við linkum á fólk sem hefði fyrir löngu átt að vera komið þarna inn...

meira var það ekki...bara þoldi ekki að sjá þetta vitandi það að fólk er að linka á mann ;)

bona sera y'all

jeminn eini

2005-02-06T01:36:00.000Z

Jamm eins og venjulega þá er lítið sem ég hef að segja, reyndar var ég búinn að hugsa upp rosa grein nýlega en var kominn í rúmið að reyna að sofna og áleit það auðveldara heldur en að standa upp og setjast fyrir framan tölvuna... kannski seinna. Annars þá er það alltaf þegar ég er að sofna sem mér detta hinir ýmsu hlutir í hug, s.s. ég finn upp leið til að ná heimsyfirráðum, leysa vandamál og formúlera hugmyndir að nýjum trúarbrögðum eða stjórnarformum......

Kannski maður fari að mæta í próf hálfsofandi?

En annars þá er lítið að segja, er að hamast við að læra undir próf fyrir fag sem hefur verið lágt á forgangslistanum hjá mér, helvítis stundaskráin mín er eins og stríðssvæði, þarf alltaf að vera að velja og hafna tímum, svo náttúrulega uppgötvaði ég að a.m.k. 2 fög sem ég er í eru með mætingarskyldu.... helv. maður er í Háskóla....þurfa að láta merkja við sig.....annars gengur þetta fínt ég er bara skráður í OF mörg námskeið en ef ég klára þetta ekki þá er ég búinn að glata ári í ekkert....snilldar aðstaða sem maður kemur sér í ekki satt?

Næstu helgi ætla ég að reyna að hrynja allsvakalega í það..... afhverju? bara :)

Já svo er Jónsi víst byrjaður að slá sér upp með einhverri gellu...hvert er heimurinn að fara? Jón í rifnum er ekki singúll lengur........hrikalegt ;)

Næst fréttir maður örugglega að Halli hafi barnað einhverja.....

jaahááá

2005-01-16T22:45:00.000Z

Jamm þetta er skammarlegt, fyrsta færslan á þessu ári og líka sú fyrsta í langan tíma. píífffh, mér er sama, allt gott að frétta, byrjaður aftur í skólanum, er í nokkrum 1. árs og 2. árs áföngum þannig að stundataflan er frjálsleg hjá mér á þann hátt að ég þarf að velja og hafna sumum tímum. Svo er maður líka að vinna fyrir leigunni þannig að þetta er strembið...

Síðasta önn verður pís of keik miðað við þetta. samt er þetta ekkert mikið.

bahh mér leiðist strax, ætlaði að skrifa um eitthvað stórmerkilegt hérna en þessu er stolið úr hausnum á manni nær samstundis....

nóg í bili.

Ný viðbót

2004-11-17T15:29:00.000Z

Já ég er búinn að bæta nýjum fítus, þ.e.a.s. Vef-cameru, sem virkar stundum og stundum ekki (ég er ennþá að reyna fikta mig áfram í JAVA) En flest vandamálin hafa verið leyst og þegar ég hef tíma til þess að laga ýmislegt sem mér finnst vanta þá geri ég það en á meðan þá virkar þetta núna og ég ætla að reyna að hafa kveikt á þessu 24/7. En þið megist búast við smá truflunum á meðan ég er enn að fatta hvernig þetta helvíti virkar.

Njótið þess að sjá mig eða eitthvað annað. (ég get ekki verið fyrir framan vélina allan daginn)

Jamm og jæja...

2004-11-14T15:29:00.000Z

Ég veit ekkert hvað ég á að skrifa um, fór á Vodkakúrinn með Steini Ármanni og Helgu Braga í gær, er nokkuð gott hjá þeim, á eftir var Óli Palli að DJ'ast e-a og svo átti EGÓ að spila, ég nennti ekki að vera þarna mikið lengur, þannig að ég fór áður en EGÓ byrjaði, síðast þegar ég fór á þá voru þeir ekkert spes. Nennti ekki að endurtaka það þannig að ég skoppaði inná ALÍ þar sem Halli, Ingvi og Ásta voru meðal þeirra fáu sem ég þekkti þarna, vá hvað mar er orðinn gamall eða bara hefur ekkert verið í þessu djamm-chilli sem virðist vera þarna í gangi, fullt af smákrökkum þarna inni....

En allavega frá Alí fór ég svo á Kaffi Ak þar sem ég hitti hinsvegar MARGA sem ég þekki, skrýtið, ég held að þetta hafi verið í fyrsta skiptið í langan langan langan tíma sem ég hef farið þarna inn, leit út eins og skringilega ókunnulegur staður...

En allavega þá var ég ekkert að fíla þetta voðalega samt, gaman að hitta fólkið en samt...

Mér fannst eins og ég væri að elta fólk, að hanga utaní því, allt kvöldið. Ég skemmti mér ekki beint, ég meina þetta var tilbreyting en alls ekki nein voðaleg skemmtun þarna á staðnum. Kannski undir lokinn þegar mar var orðinn helvíti hífaður gat maður sleppt sér aðeins.

Þetta veldur mér engum áhyggjum bara segir mér að félagsfælnin er hér til að vera.

Próf

2004-10-14T02:20:00.000Z

Ég var að skoða vef um félagsfælni og sálfræði almennt og sá þar smá próf sem maður gat tekið. Að sjálfsögðu á ekki að taka niðurstöður slíkra prófa bókstaflega en...

Allaveganna þá eru niðurstöðurnar hérna:

Disorder	Rating
Paranoid:	Moderate
Schizoid:	Moderate
Schizotypal:	Moderate
Antisocial:	Low
Borderline:	Moderate
Histrionic:	Low
Narcissistic:	Moderate
Avoidant:	Very High
Dependent:	Moderate
Obsessive-Compulsive:	Moderate
-- Personality Disorder Test - Take It! --

Byrjum á byrjuninni

2004-10-12T01:15:00.001Z

Hvar á ég að byrja? já auðvitað á byrjuninni, en hver er byrjunin?

Þetta er setning sem ég hef verið að hugsa um og er alltaf að fara í hringi með, ef mér á að takast að verða eitthvað betri eða virkari félagslega séð. Jamm ég er ennþá að pæla í félagsfælninni eða félagskvíðanum frekar.

Mig kvíðir fyrir að tala við fólk, áður en ég þarf þess. Þetta er svo órökrétt að það meikar ekki sens...

Þessi sjúkdómur eða veiki eða whatever er svo mótsagnakennd, ég man eftir einhverju skipti þar sem ég var að tala við einhvern, og sagði sannleikann að ég þyrði ekki að tala við neinn en þá fékk ég svarið "þú ert að tala við mig núna". Þá fyrst fór ég í baklás allt í einu og þessi manneskja er núna mér algjörlega ókunnug.

Og lausnin sem er boðin upp á af sumum, "þú verður bara að fara út og gera hlutina, Just do it™"

Þessi einfalda lausn er ekki eins einföld og fólk heldur, og kannski ekki eins flókin og ég held kannsi líka. En ef við stönsum aðeins við og gleymum því að ég hef reynt þetta með lélegum árangri, þá erum hér með einstakling sem hefur litla sem enga félagslega hæfileika, er óöruggur meðal fólks.

Það að halda að maður læri að synda með því að henda manni út í djúpu laugina hefur verið margprófað með mjög svo slæmum niðurstöðum.

En þá er ég komin aftur á byrjunina, hvernig get ég öðlast félagslega hæfileika án þess að fara út á meðal fólks?

Þetta er vítahringur sem ég sé ekki fyrir endan á.

Bah

2004-10-02T01:12:00.000Z

Ég hef ekki nennt að blogga uppá síðastkastið, hef ekki fundið fyrir þörfinni og hef bara líka ekki nennt því. Nenni engu núorðið, var svo líka veikur á mið og fimmtudag og ekkert sérstaklega hress í dag heldur.

Komst svo að því að þetta Sprellmót var í dag, langaði ekki að fara en heyrði svo að þetta hefði verið skemmtilegt, þannig að ég er að sparka í mig fyrir það, og að hafa ekki fylgst með þessu betur. Ég hefði ekkert haft á móti því að fara.

Hins vegar ætlaði ég að vera fyrir sunnan núna um helgina...á einhverju októberfest dæmi sem Davíð var búinn að tala um, hefði eflaust verið gaman.

Þannig að í kvöld var það matur hjá gömlu, heim, horfði á sjónvarp pantaði mér pizzu og horfði á sjónvarp/hékk í tölvunni.

Ok, núna byrjar þunglyndis/félagsfælnivælið þannig að þeir sem hafa ekki áhuga á því hættið að lesa, takk fyrir.

Þetta sjónvarp/tölvu rútín er að verða þreytandi...og ég veit hvert þetta stefnir náttúrulega, ég er að fara í þunglyndið og að loka að mér, been there.

Og vitiði hvað ég hata líka? Það að það sem er sagt við mig, "rífðu þig upp úr þessu!!!", "c'mon láttu ekki svona!!"...mynduð þið segja við fótbrotna manneskju "stattu upp!"

...þetta er eins og að það sé ekkert að og að ég eigi að geta bara staðið upp fótbrotinn...

Stundum finnst mér þetta vera too much, þ.e.a.s. þrýstingurinn á að vera "normal" að vera "í lagi", það er eins og að fólk vilji ekki viðurkenna það að manni líður illa stundum vegna þess að þá verður það að eyða orku í að líða illa til samúðar...

The longest weekend...

2004-09-13T14:38:00.000Z

Já þetta er búin að vera löng helgi þar sem að ég hef ekki getað komist á netið, já UNAK kerfið á það til að vera leiðinlegt og bila og núna var það bilað frá föstudegi til mánudags, fráhvarfseinkennin hjá mér voru svo mikil að ég get bara ekki ennþá talað um þau, enda miklar tilfinningar sem fylgja svona skyndilegu sambandsleysi.

En í fullri alvöru þá sökkaði þetta big time og ég skil ekki alveg hvernig maður á að sætta sig við þetta...og hvernig þeir sem standa á bakvið þetta kerfi halda vinnunni þegar þetta er alltaf að gerast.

Í það minnsta þá er þetta komið í lag og ég get bloggað.

Insomnia, eða ?

2004-09-09T03:13:00.000Z

Get ekki sofnað, hausverkur dauðans er kominn til mín og hann hættir ekki að berja á dyrnar, vonandi fer magnýlið að virka svo að ég geti sofnað, þarf í vinnu á morgun. Búið að vera ágætis vika, skólinn, lanað, vantar ennþá sófa samt!!! en ég er vonandi að redda því. Hérna er samt ein mynd sem ég tók úr híbýlinu um daginn

Annars vil ég líka benda á síðu sem er að vakna til lífsins aftur eftir 2 ára dvöl í the deadzone... já Steypustöðin er aftur lifnuð við.

Blogg it

2004-09-02T23:46:00.000Z

Mar þarf víst að viðhalda þessu bloggi er það ekki? Jónsi er búinn með e-a rosabreytingar þannig að þetta er allt að gerast núna.

Ég hef samt bara ekkert að segja nema það að okkur vantar ennþá sófa!!!

Here comes the sun...

2004-08-28T05:18:00.000Z

Jæja, þegar mar getur byrjað að blogga í nýjum híbýlum þá er mar formlega og endanlega fluttur inn...músíkin er blöstuð í báðum herbergjum.....mental note to self, buy more and better speakers.....

Já ég er kominn í Tröllagil 29 íbúð 605.

Við Bjarki erum að leigja saman þessa íbúð og hún er flott, það eina sem vantar akkúrat núna er sófi..... OKKUR VANTAR SÓFA.......ódýrt helst...og nei ekki reyna að pranga þessum uppblásnu helvítis rusl sófum inná okkur... En allavega, það sem við höfum að státa sem setuplássi akkúrat núna eru 2 útilegustólar lánaðir frá mömmu og 2 gamlir eldhússtólar frá ömmu... allt í lagi en ég vil helst sófa sko ;)

En allavega þá er þetta búið að vera snilldarvika held ég bara, búinn að vera í fríi og búinn að vera að dunda mér við að flytja, Bjarki er hins vegar búinn að vera sveittur og nervous að læra fyrir eikkað 20% próf sem var NÚNA á föstudaginn.....lögfræðingar.

Ég er bara hress að flestu leyti nema það að ég er að leita að sófa....sófi sófi sófi sófi motta motta sófi sófi sófi BORÐ varúð BORÐ þetta er BORÐ....

Hnjúkarnir og fleira.

2004-08-12T22:40:00.000Z

Já það er bara sama og venjulega hérna, vinna svefn og meiri vinna og svefn, skrapp að vísu upp í Kárahnjúkanna núna um helgina með Bjarka, fínn vegur og alles.....og eina orðið yfir þetta er STÓRT svo mikið er eftir að gera þarna að það er ekki fyndið hversu umfangsmikið þetta dæmi er.....verður ekki fullklárað skv. áætlun fyrr en um 2009.......

En allavega þá sáum við líka annað dæmi sem gæti verið stórt:

Ég meina þetta ER Lagarfljótsormurinn...

það er komin versló!

2004-08-01T14:59:00.000Z

Allavega ok ég hef ekki bloggað í nokkurn tíma, það eru bara þessar venjulegu afsakanir, lítill tími, mikil vinna, þreyta, leti og margt margt fleira.

Satt best að segja þá hef ég bara ekkert haft að segja. Nema að við Bjarki erum að fara flytja í Tröllagil 29, íbúð 605. Sem er svolítið skemmtilegt þar sem ég hef verið að afgreiða mikið af rafmagnsefninu þangað og bíð spenntur eftir að sjá hvernig þetta kemur allt saman út, t.d. eru hreyfiskynjarar þarna fyrir ljós á göngunum, og margt margt fleira sniðugt.

Þetta verður skemmtilegt og vonandi komum við Bjarki reynslunni ríkari eftir þetta.

En Verslunarmannahelgin hefur verið ok hingað til, búinn að hitta fullt af fólki, sjáiði bara

2 kvöld í röð án þess að fara í tölvuna!

2004-07-15T01:01:00.000Z

Jahá mér hefur tekist það nú í tvö kvöld í röð (núna þegar ég skrifa er nótt) að vera ekki við tölvuna að brasa e-a. Ótrúlegt ekki satt?!?!?

Ja mér fannst það, fannst bara að þið ættuð að vita það.

Jamm og já, útboðið í nýja pósthúsið nágast óðfluga....vonandi náum við því....þá geta vinir mínir þarna að gæðaefni innflutt af Ískraft mun tryggja þeim góðar tölvutengingar, raflagmir og ljós....

(BTW, Ég fékk EKKI borgað fyrir að skjóta þessu inn í)

Annars er bara ekkert nýtt að frétta líkt og venjulega, þar sem að ég lifi freka viðburðasnauðu lífi, fer sjaldan út að gera e-a (heng í tölvunni í staðinn).

Fór að vísu í kvöld til Halla og Sævars að skoða kettlingana sem þeir eru komnir með, hraustir og algjörir sprelligosar, virðast skemmta sér mest með Bónus og Hagkaups plastpoka. Ætli það eigi að setja lög á það líka?

Jesús hvað ég er orðinn leiður á þessum fréttaflutningi, félags- og tölfræðingar dregnir inn á teppið til þess að útskýra hvað sé að könnun Fréttablaðsins....að hún sé ekki marktæk o.sv.fr.
Ég verð nú að segja að þetta hafa allt verið eintóm smáatriði, t.d. að þetta hefði átt að vera handahófskönnun en þetta var með vilja gert að hafa könnunina í samræmi við íbúafjölda og vægi í kosningum, og svo random eftir það, að "aðeins" 60% svarað (þykir gott hlutfall reyndar að ná þessu nú til dags 75%-80% samt strangt til tekið lágmarkið) og að þetta hafi verið of lítið úrtak sem er ekki alveg rétt lítil úrtök geta sýnt rétta mynd eða allavega vísirinn að hinni "réttu mynd" sbr. Gallup sem spáði Roosevelt sigri 1936 á meðan öll hin blöðin þar með talið "The Chicago Star" sem var með fyrirsögnina "DEWEY VINNUR" eftir að hafa verið með milljóna manna úrtak, Hr. Gallup var með nokkur þúsund. Roosevelt vann, og "The Chicago Star" fór á hausinn...

Formsatriði...allt þetta eru formsatriði, það sem þessi könnun sýndi hins vegar er það að það er merkjanlegt fall á fylgi stjórnarflokkanna, Framsókn verður ekki útrýmt í næstu kosningum enda verður þetta fjölmiðlafrumvarp old news ;) eftir 2 ár.....Plús það að þetta var ekki könnun sem átti að standast STRÖNGUSTU kröfur háskólaprófessora sem bíða í röðum eftir að fá að komast í sviðsljósið...

Bara mitt álit.

Já vinnan

2004-07-12T13:34:00.001Z

Það er greinlegt að það eru sumarfrí í gangi hjá flestum rafverktökum bæjarins þar eð að ég er að blogga í vinnunni....

ég var aðallega að pæla í því ástandi sem við mér blasir, það kommentar bara enginn!!!

Eða enginn er að lesa þetta.

blehh

Allavega smá til að drepa tímann

fullur?

2004-07-10T00:46:00.000Z

Ok áður en við byrjum, þessi bloggfærsla er með vilja gerð undir áhrifjum áfengis.

Ok allaveganna, Metallica var ÆÐI, þetta var svo yndislegt.....að vera með 18.000 Íslendingum í sama húsi og ekki að sjá eitt einasta slagsmál...Ég verð að segja að þetta var bara æði, það er ekki hægt að orða það öðruvísi. ok?

Það er ennþá von fyrir okkur. Eini gallinn var sú vanhugsun mótshaldara að halda að 18.000 manns myndu ekki gefa frá sér líkamshita, anda að sér súrefni og gefa frá sér koltvíoxíð....
Mér er sama hvað yfirlögregluþjónn Reykjavíkur segir, að þetta hafi ekki verið talið áhyggjuefni....

Hann áttaði sig ekki á því að loftúðurnar fyir lofræstinguna inn eru uppi í loftinu, þar eru einnig öflugar viftur sem dæla loftinu út... þannig að kalda loftið sem átti að falla niður úr túðunum var sogað strax út án þess að geta nýst fólkinu...
Þarna vantaði bara rökhugsun, það átti ekki að setja ALLT í botn heldur að setja þann part kerfisins í gang sem dæli inn í húsið. En nóg um það þeir opnuðu allar hurðirnar á endanum.

En allavega ég er drukkinn, eða aðeins í því... verður maður þá ekki að segja e-a.....eitthvað frekar vanhugsað? eða vera með læti út af smáatriði?

Hmmm....hér er eitt sem allir eru annaðhvert feimnir að tala um eða hafa ranghugmyndir um eða bara vilja ekki tala um, finnst það óviðeigandi, persónulegt og óþægilegt.

Hitt kynið og hvernig kynnist maður því?

Ok ég hef aldrei verið í sambandi, ég hef átt samræði með stúlkum en aldrei hef ég verið á föstu.
Og satt best að segja þá er ég ekki endilega að leita eftir því núna, allavega ekki langtímadæmi held ég en hver veit?

ég hef margoft sagt öllum frá því að ég sé með félagsfælni sem gerir þetta aðeins erfiðara fyrir mig að kynnast fólki, að mér finnst. Sumir segja að þetta sé bara bölvað kjaftæði í mér.....ég vildi óska að það fólk upplifði þó ekki nema brot af því sem ég upplifi þegar mér líður sem verst.

Ég er hræddur við fólk í valdastöðum, kennara, opinberastarfsmenn, yfirmenn, o.þ.h. Mér er illa við að fara á ókunnaga staði þar sem mér finnst það vera svo hræðilegt að kunna ekki "siðina" sem tíðkast þar. Get ekki hringt og pantað pizzu t.d. Og það er margt fleira sem að ég er farinn að forðast ómeðvitað og man ekki eftir.

Þannig að það að ég er ekki alveg beint félagslyndasta vera í heimi, ég á vini en ég vanræki vinskapinn mjög mikið vegna þess að mér er hreint út sagt illa við að fara út af heimilinu út í þennan frumskóg.

Þannig að það sem ég er í raun að biðja um er að fólk dragi mig út...ég veit að þetta er dálítið mikil bón að biðja um, en annars geri ég hvað? Hangi heima og geri ekki rassgat. Vinir mínir segja að ég eigi það til að hverfa mánuðunum sama....ég er hérna ég bara er ekki að þora að hafa frumkvæðið að neinu.

Plús það að ekki versna líkurnar á að kynnast stúlkum....

munið að ég er að skrifa syfjaður undir áhrifum og þannig að eitthvað af þessu er tilganglaust, en reynið að esua þestta mep opnum hug.

Metallica....

2004-07-02T21:47:00.000Z

Já herrar mínir og frúr ég hef ákveðið eftir allt saman að fara á Metallicu, fyrir löngu síðan ákváð ég að sitja ekki næturlangt í röð eftir miða á hljómsveit, þó mögnuð, sem ég væri þegar búinn að sjá á massívum tónleikum á Roskilde...sem og verðið var fráhrindandi....Allaveganna ég ætlaði ekki að fara....en svo kom í ljós að 3000 aukamiðar voru gefnir út. Margir vinir mínir keyptu og ég lét samstundis, kannski frekar snögglega undan hópþrýstingi ;)

En jæja nóg í bili.

Puss 'n boots

2004-06-24T00:55:00.000Z

Jæja best að blogga eitthvað, var að koma frá Sævari og Halla, allt farið að líta aðeins betur út hjá þeim, búnir að mála baðherbergið....já....svo settum við upp loftnetið um daginn, skriðum eftir dimmu háaloftinu sem var ekkert sérstakt þar sem maður gat ekki verið viss um hvað hendi manns myndi snerta, músaskít, gömul föt, ryðgaða nagla eða mjólkurfernu frá hinu góða ári 1984....

Allaveganna þá fórum við Jóhann Ari bróðir minn þangað til að horfa á Shrek 2 í helvíti góðum gæðum, og ekki var myndin að spilla fyrir, og ALLS EKKI nýja 32" sjónvarpið hans Sævars ;) auk hljóðkerfisins hans Halla...þetta var ágætis kvöld nema að það er vinna bis morgen.....

Smá glaðningur

2004-06-15T01:10:00.000Z

Hæ hæ er bara að fara að sofa, reyndar var ég að koma úr heimsókn frá "nýju" hýbýlum Halla og Sævars, þ.e.a.s. Efri Vindmel...eitthvað, allaveganna þá var ég á leiðinni til baka og var nýkominn framhjá Dalvíkur-afleggjaranum þegar ég leit til vinstri og mundi strax að ég var með cameruna með mér, njótið...

Góða nótt...

Lausn

2004-06-12T13:47:00.000Z

Bara smá blogg til að svara þessari gát(um)....

1. 50m x PWRFLEX 5x4q
Stendur fyrir 50 metra af Powerflex streng (sem er jarðstrengur) með 5 vírum/leiðurum og eru með flatarmálið í 4mm²

2. Interrupt 3P 16A "C"
Stendur hinsvegar fyrir 3 póla, 16 ampera, tregt (C-ið, B er venjulegt og A fljótt) sjálfvar eða það sem þið kannist við sem öryggi

Ég verð að segja að það voru mér mikil vonbrigði að sjá slíka lélega þáttöku.....en þó vil ég þakka þeim sem tóku þátt.

Það er greinilegt að núna get ég þóst vita eitthvað um rafurmagnið góða......eða ekki.

VINNAvinnaVINNAvinnaVINNA

2004-06-09T20:05:00.000Z

Jamm bara búinn að vera að vinna, mjög lítið annað. En það er til skammar að láta ekki eitthvað nýtt á þessa síðu.

Það er alveg yndislegt að hafa birtu allan sólarhringinn, ég elska þennan hluta af því að búa svo norðanlega og ekki skemmir fyrir þegar það er sól.

En allaveganna þá er ég bara búinn að vera að vinna hjá Ískraft að selja RAFIÐNAÐAR vörur þ.e.a.s. kapla, víra, jarðstrengi, plastklemmur, tengidósir, mótortengi, mótorvarrofa, sjálfvör, gleröryggi, Neozed rofa/vör, töfluskápa, veggskápa, ljós, ljósaperur, loftnet, innlagnaefni, Cat. 5e. tölvustreng (LAN kapall), skermaðan stýristreng, kóaxkapal og allt annað á milli himins og jarðar.

S.s. ef þið viljið gera díl á perum eða vantar eitthvað þessu líkt þá er Ískraft málið. Ég verð þarna í allt sumar og kannski eitthvað í vetur með skólanum.

Og smá gáta tengd rafmagni áður en ég hætti (reyndar tvær) Hvað standa þessar tvær eftirfarandi línur fyrir?

1. 50m x PWRFLEX 5x4q
2. Interrupt 3P 16A "C"

P.S. Ég ákvað að dömpa þessu Blogger kommenta kerfi og setja Haloscanin aftur inn, nýja dæmið virtist vera að fæla fólk í burtu ;)

KORN !!!

2004-06-02T03:23:00.000Z

Já það var farið þessa helgi á suður til Sódómu til þess að sjá hina übersveit Korn í Laugardalhöllinni, þeir rokkuðu, voru klappaðir upp og rokkuðu meira....

sorrý bara nenni ekki að blogga...

hef frá mörgu að segja en svefn og tími leyfa þess háttar stórvirki ekki.

þannig að þið verðið bara að bíða rólegt.

Mál málanna í dag

2004-05-14T22:32:00.000Z

Jamm það er tími til kominn að maður fari að tjá sig um fjölmiðlafrumvarpið alræmda það er farið að vera æ erfiðara að hunsa það að tjá sig um þetta.

Ég hef lesið frumvarpið, það er heftandi, það er ekki beint miðað við jafnrétti og já það virðist geta hentað Skjá 1 og eigendum þeirrar stöðvar. Hins vegar er takmarkið á fyrirtæki sem hafa markaðsráðandi stöðu í öðrum iðnaði að sjá til þess að í raun gætu fáir á þessu landi rekið fjölmiðil.

Fólk getur lesið frumvarpið sjálft hér. Það er áhugavert hversu strangt þetta frumvarp er og að það má aðlaga þetta frumvarp að öðrum iðngreinum...hvað væri að hindra Alþingi að nota þessi lög sem grunn gegn öðrum iðngreinum.

En burtséð frá frumvarpinu, þá er það sem mest er að angra mig er hvernig þetta frumvarp kemur til, þetta frumvarp er sett fram af Forsætisráðherra sem tekur yfir ábyrgðarsvið Menntamálaráðherra sem lætur vaða yfir sig á drullugum skónum. En það sem meira er þá er þetta frumvarp lagt fram seint og reynt að flýta meðferð þess framyfir önnur frumvörp sem voru lögð fram á réttum tíma með réttum hætti. Þetta eru ekki neinar aðkallandi aðstæður, það er ekkert verkfall yfirvofandi...

Davíð Oddsson er með eitthvað persónulegt gegn Jóni Ásgeiri Jóhannessyni, og persónuleg mál eiga ekki heima í lagasetningum á Alþingi Íslendinga, mér væri næst að bjóða þeim að leysa mál sín fyrir utan Alþingishúsið á Austurvelli en því miður ræð ég litlu.

Ég er ekki endilega á móti takmörkunum á eignaraðild á fjölmiðlum en þetta frumvarp, gerð þess og framsetning eru ekki skv. því lýðræðisríki sem ég hélt að ég byggi í. Við eigum okkur GILDANDI lög sem varða misnotkun valds og embættisafglöp og kannski að við ættum að skoða þau lög frekar en að vera að rífast yfir nýju frumvarpi sem ekki hefur fylgt þeim lögum sem gilda nú þegar.

Ég er á móti þessari aðför að lýðræðinu, ekki vegna þess að ég vinn óbeint hjá Baug, ekki vegna þess að ég horfi á Stöð 2, ekki vegna þess að ég kannast við fjölskyldu Jóhannesar....

Heldur vegna þess að við erum núna með mann við stjórnvölinn sem er orðinn svo vanur völdum að hann telur sig ósnertanlegan og megi fara sínu fram og blandar saman persónulegum og pólítísku málefnum sem engan veginn þjóna hag þjóðarinnar.

Þessi maður Davíð Oddsson telur sig svo mikinn að hann vanvirðir Alþingi með ítrekuðum fjarverum, segir Forseta íslenska Lýðveldsins vanhæfan vegna tengsla við Norðurljósa....

Maðurinn er orðinn svo hrokafullur að hann getur ekki séð eigin vanhæfni! Hann, í gegnum persónuleg og pólítísk tengsl, tengist fyrirtækjum sem hafa grætt á lagasetningum hans og stutt hann í gegnum tíðinna, hann hefur oftar en einu sinni skipt sér af málum sem í raun koma honum ekkert við vegna þess að hagsmunir vina hans og þar af leiðandi hagsmunir hans eru í hættu. Hann neitar að viðurkenna það að þetta sé persónulegt mál sem er búið að fara úr böndunum. Að mínu mati er sá einstaklingur sem er vanhæfur í þessu máli, Hæstvirtur Forsætisráðherra okkar hann Davíð Oddsson.

Ef þið viljið mótmæla þessari "aðför að lýðræði" þá vil ég benda ykkur á tvo undirskriftalista sem eru í gangi til þess að hvetja Forseta Íslands að beita neitunarvaldi sínu og þvinga fram þjóðaratkvæðagreiðslu um þessi lög. Listi 1 Listi 2

Takk fyrir....
þ.e.a.s. ef þið nenntuð að lesa þetta allt saman, annars megiði eiga ykkur ;-)

2004-05-13T07:21:00.000Z

Ok búinn að virkja þetta kommenta kerfi, ætti að duga þótt að halóscaninn hafi smá svona appeal til mín ennþá.....en hann passar bara ekki inn í þetta look, allavega yrði bara bölvað bras að koma honum inn.

Búinn að íslenska allt eftir bestu getu, bara þetta kommentakerfi sem er flóknari en andskotinn að finna í template-inu þar sem það er með línur út um allt!

Og svo er það profíllinn hérna við hliðina.....About Me dæmið er að drepa mig úr pirring, en ætla samt að halda þessu, flottara svona heldur en án þess held ég....

jæja ég er loks farinn að geispa aðeins þannig að ég ætla að smella einhverju svæfandi á fóninn og klára kakó bollann minn og leggja mig, líklega sef ég til kl. 16 en það er aukaatriði ;)

Nýtt LOOK :)

2004-05-13T06:45:00.000Z

Já ég ákvað að þetta gamla væri orðið þreytt og alltof dökkt e-a miðað við að það er orðið bjart nánast allan sólarhringinn (-->lesist ég gat ekki sofið)

Allavega ég reyndi allt, þangað til ég endaði á því að horfa á Lord of the Rings: The Return of the King. Svo ákvað ég að lesa helvítis bókina aftur, endaði með að ég las bara nokkra ákveðna kafla....

Þá áttaði ég mig á því eða reyndar mundi hvað hann hlýtur að taka mikið af þessum samtölum, atburðum og persónum úr reynslu sinni í Fyrri heimsstyrjöldinni....lítið bara á endinn þar sem þeir sitja allir á kránni og vita eiginlega ekki alveg hvað þeir eiga að gera....svipað og þegar hermenn sneru heim úr stríðinu. Þeir pössuðu ekki inní þetta samfélag sem hafði ekki séð hryllingin sem þeir höfðu séð. Fólk sem skyldi ekki af hverju þeir voru svona breyttir.

Allavega fór bara að pæla í þessu...

En njótiði nýja útlitsins, er að reyna að læra á þetta innbyggða commenta kerfi, en það verður ekki flókið. Þetta var merkilega sársaukalaust að breyta úr gamla lookinu í þetta template, bara að muna að eiga copy af gamla lookinu í .txt file sem maður getur kóperað drasl svo sem linka og þess háttar.

Au revoir...

2004-05-09T05:05:00.000Z

Jesús hvað ég er búinn að vanrækja þetta blessaða blogg mitt, þetta gengur náttúrulega ekki........eða kannski gerir það það?

En alla vega í fréttum er það helst að skólanum er senn lokið einungis eftir að fá einkunnir, og hefja svo sumarvinnuna sem og áður fyrr verður stunduð hjá Ískraft. Að henni lokinni tekur við skólinn aftur.

Búinn að vera gera mest lítið en að læra og sofa núna síðustu daga, þannig það var samt ágætt að fá að fara út að borða með vinnufélögunum í gær, fórum fyrst heim til eins vinnufélaga míns þar sem forréttir voru á boðstólnum sem og áfengir drykkir, koníak út í sprite.......hafði ekki smakkað þá blöndu áður en um leið og ég smakkaði þá féll ég fyrir henni, helvíti nice ef maður nær hlutföllunum rétt. Ég hef ekki heyrt áður um að blanda koníak þannig að þetta var uppgötvun. Hins vegar þar sem ég má lítið sem ekkert áfengi drekka vegna lyfjanna sem ég er á þá varð ég að hafa hömlur á mér þannig að ég fékk mér "bara" 3 glös af þessum nýfundna elixír mínum.

Allavega eftir þetta smá stopp þá fórum við á La Vita Bella, sem er nokkuð nice staður, og þar var sko borðað, forréttir, aðalréttur og svo Irish Coffee í eftirrétt sem ég verð að viðurkenna að mér finnst vera ógeð........kaffi sama hversu áfengt það er eða sykrað.....no way José.

Allavega við horfðum mikið upp í loftið þar sem að allur ljósabúnaður í nýja salnum þarna er frá okkur (maður kemst ALDREI langt frá vinnunni) en okkur til hryllings sáum við að tenglarnir, voru keyptir frá keppinautnum Rönning og stórt ljótt Siemens thermostat var þarna að eyðileggja annars ágætan sal.
Umsvifalaust var hringt í rafvirkjann á þessu bar ábyrgð og hann áminntur alvarlega (var ég búinn að minnast á það að nokkrar vínflöskur voru kláraðar ;) ). Allavega þá var þetta skemmtilegt kvöld, kvöddum einn fráfarandi stafsmann og skemmtum okkur ágætlega við það.

Annars er akkúrat ekkert að gerast, bara að dunda mér......

2004-04-30T01:55:00.000Z

Já maður þarf að blogga af og til til þess að vera ekki talinn dauður eða e-a verra, búinn bara að vera að læra.....það er svolítið mikilvægt.....að læra sko.

En ég hef ekkert að segja fremur en venjulega nema bara það að ég verð að segja eitthvað......til hvers að vera að blogga þegar maður segist alltaf aldrei hafa neitt að segja? Það er frekar tilgangslaust ekki satt?

Það sem ég vildi sagt hafa er það að ég hef verið að velta fyrir mér hvað ég á að gera þegar ég eða ef ég klára þetta nám sem ég er í, Sálfræði...
Hvað gerir maður þegar maður er kominn með B.A. í Sálfræði? Ég var í svipuðum pælingum þegar ég var hálfnaður í MA, þá fór ég að pæla ,,Hvað er ég að gera? Af hverju fór ég ekki eitthvað fagnám í VMA eða álíka? Fá vinnuréttindi við eitthvað?" ég var nefnilega búinn að átta mig á því að þegar ég væri búinn með MA myndi ég standa uppi með stúdentspróf af Félagsfræðibraut........engin réttindi. Á meðan var fólk að útskrifast í kringum mig og fór að vinna, líka þeir sem útskrifuðust úr MA oft á sviðinu sem þeir útskrifuðst af en oftar en ekki við eitthvað allt annað.......ég fór í HÍ að læra Sálfræði, lenti í pælingum, fékk ógeð á því að læra yfirhöfuð og hætti kom heim og fór að vinna í svolitlu sem ég hef kannski smá áhuga á en er ekki að hugsa sem framtíðarstarf þ.e.a.s. að selja rafmagnsefni til rafvirkja, fín vinna og skemmtileg en ekki það sem ég ætla mér að vinna við forever sko.....

Þannig að nú er ég aftur kominn á einhvern stað þar sem ég er að pæla: ,,Hvurn andskotann er ég að gera?"

Mér finnst eins og ég eigi eftir að vera að læra eitt alla mína ævi og vinna við annað ......þetta er eins og ég eigi aldrei eftir að geta nýtt það sem ég er búinn eða er að læra! Alveg þokkalega pirrandi.....

B.A. próf gefur engin sérstök réttindi, allavega ekki í sálfræði sko. Maður þarf að bæta við sig einu ári til að heita Cand. Psych og þá má maður kalla sig sálfræðing en ekki taka fólk til meðferðar.....til þess þarf maður að fara í klíníska sálfræði sem er 1-2 ár í viðbót.....5 ár a.m.k. þar til maður getur farið að gera eitthvað af viti og tengja saman vinnuna og lærdóminn....

Þ.e.a.s. ef ég vildi verða klínískur sálfræðingur.....sem ég er ekki mikið að vilja núna....langar ekki að stunda klíníska sálfræði.....hvað þá?

,,Sálfræði er hægt að nýta í ýmislegt" er setning sem ég heyri alltof oft, en í hvað?

æi ég held ég haldi bara áfram að læra pæli í því afhverju ég er að læra á eftir þegar ég verð búinn með þetta allt saman.

Kveðja
Ásgeir

2004-04-25T04:50:00.000Z

Ég var að íhuga svolítið eftir að hafa orðið fyrir smá atviki....rosalega þarf maður að fara að ná sér í kvonfang, þá meina ég kærustu eða það er að segja stelpu......

Maður er búinn að vera single allt sitt líf, engin reynsla af samböndum eða neinu þannig sko....hefur átt sína kvk "vini" en ekkert svona.....hvað á maður að segja. Náið......

Bleh......svona rugl fáið þið úr mér þegar ég get ekki sofnað....guð sé lof fyrir lappann, að geta legið í rúminu að röfla eitthvað, verst hvað þetta helvíti hitar út frá sér, stóllinn minn verður sviðinn eftir fartölvuna ;)

Allavegana ef það eru einhverjar stelpur þarna úti í sömu pælingum og ég, endilega látið mig vita ég er til í allt, bara dulítið (ok sjúklega) feiminn.

Ég held að ég sé farinn að skilja fólk sem er í samböndum bara til þess að vera í sambandi......það er ekkert gaman að vera einn í þessu stímabraki sem kallað er lífið.

Ég er ekki ennþá syfjaður, venjulega þegar ég verð alvarlegur þá verð ég syfjaður..........aha ég var að geispa.

GÓÐA NÓTT.....eða morgun ;)

2004-04-21T02:01:00.000Z

ennþá nenni ég bara ekki að blogga, ég veit þetta er leti og allt það......... en hér er smá sárabót, brandari:

Two hunters are out in the woods when one of them collapses. He doesn't seem to be breathing and his eyes are glazed. The other guy whips out his phone and calls the 911. He gasps: "My friend is dead! What can I do?" The operator says: "Calm down, I can help. First, let's make sure he's dead." There is a silence, then a shot is heard. Back on the phone, the guy says: "OK, now what?"

Og segiði svo ekki að þetta sé ekki fyndinn brandari ;)

allavega þá er heill hellingur sem ég á örrugglega eftir að þurfa að blogga, þarf bara að læra, vinna, koma bílnum í skoðun og allt það fyrst....

2004-04-16T10:04:00.000Z

Jaaahhhaaaahááááá. Langt síðan ég hef bloggað?

en allavega þá nenni ég ekkert að vera að skrifa nein hrikaleg ósköp akkúrat núna, sit nefnilega á bókasafninu á Sólborg og er að þykjast að vera að læra.

Páskaferðin var ágæt.....þ.e.a.s. ég komst einusinni á jökul þ.e. Eyjafjallajökul sem var samt ágæt vegna þess að þangað hafði ég ekki komið áður. en allavega þá er ég með helling af myndum sem ég þarf að setja inn og leyfa ykkur flatlendingum að sjá. þarsem þið höfðuð það víst betra en ég.....ræææght. Ég bætti við en einum jökli í safnið, við affelguðum á leiðinni í bústaðinn á degi 1, sem var áhugavert þar sem maður affelgar venjulega ekki á leiðinni á staðinn. (nema að maður fari um Kjöl í drullu og snjó þegar vegurinn er sagður ófær með öllu.)

En allavega þá er ég víst líka orðinn 22 ára gamall og fór yfir þann áfanga á mánudaginn var þann 13. apríl.

En ok ég er lifandi þrátt fyrir þrálátann orðróm um að mér hafi verið rænt af íslenskum útlögum og sunnlendingum....

Meira um allt þetta kannski seinna.

2004-04-06T21:37:00.000Z

Jæja, Páskafrí þýðir yfirleitt bara eitt.....nokkra daga vinnutörn, ég virðist samt vera búinn að þróa með mér þann slæma? ávana að vakna á slaginu kl. 9......sem er merkilegt fyrirbæri að vakna af sjálfum sér á slaginu níu hjálparlaust, þ.e.a.s. án aðstoðar mennvera, kattar, síma eða vekjaraklukku eða að botna græjurnar, alls ekki slæmt.....nema það að ég þarf að mæta í vinnu kl. 8.........

En allavega þá er maður ekkert búinn að blogga, ekkert verið á MSN, hef ekki spilað EVE eða nokkurn netleik í nokkra daga, bara búinn að vinna og læra..........

Og svo núna er ég að fara í hina hefðbundnu páskaferð, sem felst í því að jeppast í snjó á hálendi Íslands sem er mjög gefandi.

Annars er ekkert annað að frétta.....

2004-04-02T01:08:00.000Z

Jáhá ég á víst að drulla mér í tíma?

Ok í fór í tíma í dag....umræðutímar hjá Baruchello sem eru yndislegir vegna þess að þeir enda alltaf bara í samræðum á milli okkar fyrir framan bekkinn.

Þessi tími væri ekki frásögur færandi nema hvað að fyrir utan mig voru 3 aðrar mannskjur þarna.......enginn Jónsi, engin Jóa, enginn Gummi, enginn Kristján....enginn nema ég og 3 aðrar hræður.........og las ég fyrir tímann? ertu að grínast? auðvitað ekki....

Og hey jafnvel Baruchello spurði hvort mér liði illa vegna þess að ég væri svolítið veikindalegur.....

Jónsi, drullastu að mæta í tíma sjálfur! ;)

2004-03-29T11:32:00.000Z

Já var að hlaupa inn í tíma hjá Baruchello eftir að hafa verið í mjög skemmtilegum samningaviðræðum við hann Rafn enskukennara, sem fólust í handatökum hlátri og gleði og það að ég fæ að taka 100% próf í ensku sem ég er alveg sáttur við.
Já allavega þá var Nikolai kallinn að svara spurningum með feimni og takmarkaðri ensku kunnáttu (fólk á ekki að vera með langar setningar og sérstaklega flóknar þegar maður sem er ekki of góður í ensku er að svara) um það hvernig hann upplifði Sovétríkin sálugu. Honum líkaði lífið þá verð ég að segja, hann var vísindamaður í bænum Dubna og virðist hafa bara haft það gott eða ágætt í það minnsta. Enda leit þetta fólk ekkert á takmarkað tjáningarfrelsi sem neitt of slæman hlut, meirihluti sögu Rússlands hefur einkennst af ritskoðun og verri þjáningum.

Allavega nóg um skólann þarf að segja frá almennu viðhaldi á þessari síðu. Allavega þá er ég búinn að bæta við helling af linkum eða 3 sem er gífurleg tala ekki satt? Hin heilaga þrenning kannski? Baddi, Jóa og Stjáni?

2004-03-26T01:45:00.000Z

Já ég gleymi að blogga 25. Mars........þannig að ekki blogga ég daglega en næstum því. En að glyma deginum sem Títan stærsta tungl Satúrnusar fannst, og deginum sem Jack Ruby, maðurinn sem skaut Lee Harvey Oswald sem skaut J.F.K sem skaut Sovétríkjunum skelk í bringu, fæddist.... það er bara rangt....að gleyma slíkum merkisdegi í sögu heimsins. Einnig fæddist leikonan Sarah Jessica Parker sem leikur í þáttunum "Sex and the City" eða "Beðmál í borginni" sem senn fara að hætta og eflaust kemur eitthvað annað jafn heilaskemmandi eða leiðindar efni á skjáinn í þeirra stað, a.m.k. voru flottar konur í þessum þætti.
Samantha var alltaf uppáhaldið mitt, hún gaf manni allt annað look á "eldri" konur. Jæja ég held að þetta upfylli tjáningarþörf mína í dag en bíðið bara, á morgun er föstudagur og ég hef einsett mér að læra allan daginn.......hvað mun gerast?

2004-03-24T19:57:00.000Z

Já það er það er það ekki annars? hvað eru annars mörg A í því? En skiptir ekki máli ég er bara að bulla einsog mér einum er tamt. Ég var að átta mig á því að fá 1 til 2 comment er ekkert svo slæmt... Þ.e.a.s. ef maður bloggar daglega og hvað er ég þá að kvarta? Nei nei smá djók, en allavega þessi linkur á Ástu ætlar að verða jafn erfiður og hún getur orðið í góðum fíling og á árabát. Ég HELD að hann virki núna en það er aldrei að vita!

Annars segi ég nú bara allt fínt, en eitt að lokum finnst ykkur eitthvað að myndinni hérna til hliðar? Þetta er mynd af stefni Clippersins Stad Amsterdam fallegt skip.

2004-03-23T16:16:00.000Z

Jæja glæsilegar fréttir! enn bætist við í bloggara hópinn það er enginn önnur en Ásta úr gamla góða G-inu, fariði og heilsiði uppá hana á síðunni hennar.

En hér er pæling. Maður fer í skólann á bókasafnið á Sólborg til þess að læra en þegar ma?ur kemur þangað er ekkert hægt að einbeita sér vegna þess að það er fullt af smákrökkum að hlaupa um allt.....kennaradeildin ætti að íhuga það að vera ekki að taka vinnuna/námsefnið? með sér í skólann á bókasafnið......Þetta er ekki leikskóli....samt kammó að hafa þessa stubba hlaupandi um og dettandi.......ég sit við ganginn sko....

En allavega ég er búinn að vera hér í allan guðsvolaðan dag og ætlaði mér sko að drífa ýmis verkefni í sálfræðinni af sem hefði ekkert átt að vera erfitt né voðalega tímafrekt. Nema hvað ég fékk áhuga á einni grein sem ég átti að lesa !!!!! og það er búið að tefja mig svo andskoti mikið að ég hef ekki afkastað neinu af ráði, þetta er svo ömurlegt........maður getur ekki lært vegna þess að maður fær áhuga á námsefninu!!!!

Jamm þannig að þessi dagur er farinn í súginn.....